وليمپيادا الدىندا برازيليا قاۋىپسىزدىكتى كۇشەيتۋدە
دەپ حابارلادى ر ي ا نوۆوستي.
وڭتۇستىك امەريكالىق ەلدەگى ادىلەت ءمينيسترى الەشاندري دي موراەشتىڭ ايتۋىنشا، قاۋىپسىزدىكپەن قامتاماسىز ەتۋ وپەراتسياسىنا فەدەرالدىق كۇشتەن 85 مىڭ ادام جۇمىلدىرىلادى، ونىڭ 41 مىڭى - اسكەريلەر. «نىسانالارعا شابۋىل قاۋپى تومەن»، دەيدى ا. موراەش.
مينيستر 5 - تامىز كۇنى «ماراكانا» ستاديونىندا وتەتىن سالتاناتتى اشىلۋ ءراسىمى الدىندا دا قاۋىپسىزدىك شارالارىن كۇشەيتۋدى ءجون دەپ سانايدى. ول ءتارتىپ كۇزەتۋگە جانە تەراكتىنىڭ الدىن الۋعا اسكەريلەردىڭ تارتىلۋىن فەدەرالدىق پوليتسيا كۇشىنىڭ باسقا دا ماڭىزدى باعىتتاردا جۇمىس ىستەۋگە مۇمكىندىك بەرەتىنىن اتاپ ءوتتى.
بۇعان دەيىن برازيليادا وليمپيادا كەزىندە تەراكت جاساۋدى جوسپارلاعان قىلمىستىق توپتىڭ 12 مۇشەسى ۇستالعان ەدى. بيلىك مالىمدەمەسىنە سايكەس، ۇستالعاندار «يسلام مەملەكەتى» تەرروريستىك توبىنىڭ مۇشەسى ەمەس، ءبىراق سول توپپەن بايلانىس جاساۋعا تىرىسقان.
