قازاقستاندىق سپورتشىلار وليمپادالىق قالاشىقتىڭ قاق ورتاسىنا جايعاستى

ريو- دە- جانەيرو. قازاقپارات - بۇگىنگى ەكىنشى ساپارىمىز وليمپيادالىق قالاشىق بولدى. ءبىزدىڭ سپورتشىلار وسى ورتالىقتىڭ قاق ورتاسىنا جايعاسىپتى.

قالاشىققا باس سۇققان ادامنىڭ كوزىنە بىردەن ءبىزدىڭ سپورتشىلار جايعاسقان ءۇي تۇسەدى. بۇل ماڭدا دا جوندەۋ جۇمىستارى ءالى اياقتالا قويماپتى. سوعان قاراماستان سپورتشىلار كوڭىلدى. اركىم ءوز شارۋاسىمەن اۋرە.

ءبىز مۇندا ق ر مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتىنىڭ ءتوراعاسى ەلسيار قاناعاتوۆپەن كەزدەسىپ، كوكەيىمىزگە تۇيگەن سۇراقتارعا جاۋاپ الدىق.

اڭگىمە بارىسىندا سپورتشىلار وتە كوڭىلدى ەكەنىن، بارلىق جاعىنان جاعدايدىڭ جاسالىپ جاتقانىن باسا ايتتى.

«سپورتشىلار بىرىنەن كەيىن ءبىرى كەلىپ وسىندا جايعاستى. بارلىعىنىڭ كوڭىل- كۇيى جاقسى. كۇندە باس باپكەرلەرمەن جينالىس وتكىزىپ، دايىندىقتىڭ قالاي بولىپ جاتقانىنان ەسەپ الىپ وتىرمىز. باپكەرلەر سپورتشىلارعا، ال ءبىز باپكەرلەرگە رازى بولىپ جاتىرمىز. ءوزىم دە سپورتشىلارمەن كەزدەسىپ جاتىرمىن. ەندى وسى ازىرلىكتەن بوساڭسىماي جاقسى ناتيجە كورسەتەدى دەگەن سەنىمدەمىز»، - دەپ اتاپ ءوتتى قاناعاتوۆ.

سونداي- اق، سپورتشىلارمەن جالپى سانى 11 دارىگەر مەن پسيحولوگ جۇمىس جاساپ جاتقانىن دا تىلگە تيەك ەتتى.

«سپورتشىلار بارلىق جاعىنان دايىن بولۋى كەرەك. سول ءۇشىن ارنايى 11 ادامنان قۇرالعان دارىگەر مەن پسيحولوگ جۇمىس جاساپ جاتىر. تاماقتانۋ جاعىن دا قاتاڭ باقىلاۋدا ۇستاپ وتىرمىز. وليمپيادا مەن جاتتىعۋدى ويلاپ، كەيبىر سپورتشىلار ۋاقىتىندا دۇرىس تاماقتانباي جاتادى. ول دۇرىس ەمەس. سوندىقتان بارلىق جاعىن وسى دارىگەرلەر مەن پسيحولوگتار باقىلاپ، قاي كەزدە قالاي جۇمىس جاساۋ كەرەكتىگىن قاداعالاپ وتىر»، - دەدى ەلسيار قاناتاعاتوۆ.

 بۇدان ءارى ول تىلشىلەرگە جازاتىن جاعىمدى جاڭالىقتاردىڭ كوپ بولۋىنا تىلەكتەستىك ءبىلدىرىپ، بىرگە سۋرەتكە ءتۇستى جانە ىستەرىنە ساتتىلىك تىلەدى.

اۆتور: كۇنسۇلتان وتارباي