قازاقستان كليمات جونىندەگى پاريج كەلىسىمىنە قول قويدى

استانا. قازاقپارات - سەيسەنبى كۇنى قازاقستاننىڭ سىرتقى ىستەر ءمينيسترى ەرلان ىدىرىسوۆ ب ۇ ۇ- نىڭ شتاب- پاتەرىندە كليمات جونىندەگى پاريج كەلىسىمىنە قول قويدى جانە باس حاتشى پان گي مۋنمەن كەزدەستى.

 ب ۇ ۇ راديوسىنىڭ حابارلاۋىنشا، بۇل قۇجاتقا باسقالارىمەن بىرگە وسى جىلعى ساۋىردە قول قويۋ جوسپارلانعان بولاتىن، الايدا ۇكىمەتتە ونى كەلىسۋ ۇدەرىسى سوزىلىپ كەتتى. ەرلان ىدىرىسوۆتىڭ ايتۋىنشا، قازاقستاندا كەلىسىمدى رايتيفيكاتسيالاۋ بيىلعى جىلعا جوسپارلانىپ وتىر.

 «قازىر باستى نازار - اسىرەسە، باستى ەلدەردە قۇجاتتى راتيفيكاتسيالاۋعا اۋدارىلىپ وتىر. سوندىقتان دا ءبىز بۇل ورايدا ۇلگى كورسەتكىمىز كەلەدى. ءبىز قۇجاتتى بيىلعى جىلى راتيفيكاتسيالاۋ جونىندە وزىمىزگە مىندەتتەمە الدىق - نەعۇرلىم ەرتەرەك بولسا، ءتىپتى جاقسى. ۇكىمەت پەن پارلامەنت ۇيلەسىمدى جۇمىس جاساپ، قۇجاتتى تەزىرەك راتيفيكاتسيالايدى دەپ ۇمىتتەنەمىز جانە مۇنىڭ ۇلكەن ساياسي سالماعى بار».

ىدىرىسوۆ قازاقستان وزىنە 2030 -جىلعا قاراي پارنيكتىك گازدار شىعارىندىسىن 15 پايىزعا ازايتۋعا مىندەتتەمە الدى. دەگەنمەن، ءمينيستردىڭ ايتۋىنشا، ەگەردە ەلدە قوسىمشا قارجىلىق قولداۋ كورسەتىلەتىن بولسا، بۇل مەجەنى 25 پايىزعا دەيىن كوتەرۋگە بولادى.

ەل بيلىگى سونداي- اق ءوز الدىنا وتە ءورشىل ۇزاقمەرزىمدى مىندەتتى - 2050 -جىلعا دەيىن بارلىق ەنەرگيانىڭ 50 پايىزىن «جاسىل»، ياعني، قايتارىمدى كوزدەردەن ءوندىرۋ مىندەتىن قويىپ وتىر.