قىتايدا «بولاشاق اۆتوبۋسىن» سىناقتان وتكىزدى - فوتو/ۆيدەو
وندا TEB دەپ اتالاتىن (Transit Elevated Bus) اۆتوبۋستى سينحۋانداو قالاسىندا سىناقتان وتكىزگەندىگى ايتىلدى.
ونىڭ تەجەگىش جۇيەلەرىن، قاس بەتتەرىن جانە ТЕВ- ءتى قۇراستىرعان «Tebtech» كومپانياسىنىڭ تەحنيكالىق تاپسىرماسىنا ساي ەنەرگيا پايدالانۋ جايى تەكسەرىلدى.
ەرەكشە اۆتوبۋستار قىتاي جولدارىنداعى كەپتەلىستەردى ازايتۋى ءتيىس.
ايتا كەتەر جايت، TEB قۇرىلىمى اۆتوموبيلدەرگە ونىڭ استىنان دا وتۋگە مۇمكىندىك تۋعىزادى.
سىنامالىق ءجۇرۋدى «شينحۋا» اگەنتتىگى فەيسبۋگىندە جاريالادى.
«بولاشاق اۆتوبۋسىنىڭ» قانداي بولاتىندىعى تۋرالى تۇجىرىمدامالىق ۇلگى مامىردىڭ سوڭىندا بەيجىڭدە وتكەن حالىقارالىق جوعارى تەحنولوگيالار كورمەسىندە ۇسىنىلعان بولاتىن.
ونىڭ ەنى 8 مەترگە جۋىق، بيىكتىگى 4,6 مەتر، ال ۇزىندىعى 32 مەتر.
الىپ اۆتوبۋسقا 900-دەن 1200 جولاۋشىعا دەيىن سيادى.
ب ا ق- تا وسى تۇجىرىمدامالىق ۇلگى جاريالانعاننان كەيىن كوپتەگەن وقىرماندار بۇل ماكەت پەن 3D- رەندەردىڭ ومىرگە جولداما الاتىندىعىنا سەنبەگەن ەدى. ءبىراق ونى جاساۋشىلار اۆتوبۋستى سىنامادان وتكىزۋدى 2016 -جىلدىڭ ەكىنشى جارتىسىندا وتكىزۋدى باستايمىز دەگەن بولاتىن.
