قازاقستان مەن ازەربايجان اراسىندا تەڭىز ارقىلى جۇك تاسىمالداۋ دامي تۇسپەك

باكۋ. قازاقپارات - «قازاقستان تەمىر جولى» ا ق پرەزيدەنتى اسقار مامين باستاعان دەلەگاتسيا اليات كەنتىندەگى جاڭا باكۋ پورتىندا بولدى.

«باكۋ حالىقارالىق تەڭىز ساۋدا پورتى» ج ا ق باسشىسى تالەح زيادوۆ قازاقستاندىق دەلەگاتسيامەن كەزدەسۋ وتكىزىپ، جاڭا پورتتىڭ جۇمىسىمەن تانىستىردى.

سونداي- اق، ول 2015 -جىلدىڭ سايكەس كەزەڭىمەن سالىستىرعاندا جۇك تاسىمالداۋ كولەمى 30 پايىزعا ارتقانىن ايتتى. ترانزيتتىك تاسىمال نەگىزىنەن باكۋ- اقتاۋ جانە اقتاۋ- باكۋ باعىتىندا بولعان.

كەزدەسۋدە اليات پورتى مەن قازاقستاندا سالىنىپ جاتقان قۇرىق پورتى اراسىندا جۇك تاسىمالدايتىن جاڭا پارومداردى ىسكە قوسۋ بويىنشا كەلىسىمگە قول جەتكىزىلدى.

ا. مامين قازاقستاندا سالىنىپ جاتقان قۇرىق پورتى ەكى ەل اراسىنداعى جۇك تاسىمالى كورسەتكىشىنە وڭ اسەر ەتەتىنىن اتاپ ءوتتى.

«باكۋ مەن قۇرىق پورتى اراسىندا قازىر قولدا بار پارومدارمەن قاتار جاڭالارى دا جۇرەتىن بولادى. سونىمەن قاتار، قۇرىق پورتىندا، باكۋ پورتىنىڭ تاجىريبەسى بويىنشا ەركىن ساۋدا ايماعى قۇرىلادى»، - دەدى ا. مامين.

قۇرىق پورتىندا كۇن سايىن 5 پارومعا قىزمەت كورسەتىلىپ، جىل سايىن 4 ميلليون جۇك تاسىمالدانادى.