شىعىس قازاقستاندا بارىمتاشىلار قىلمىس ۇستىندە قولعا ءتۇستى

وسكەمەن. قازاقپارات - شىعىس قازاقستان وبلىسى بەسقاراعاي اۋدانىندا ءتارتىپ ساقشىلارى ءتورت بارىمتاشىنى ۇستادى.

پوليتسەيلەر تۇندە «گازەل» كولىگىن تەكسەرۋ ءۇشىن توقتاتىپ، ونداعى ەكى ءىرى قارانىڭ ەتى مەن ءۇش باس قويدىڭ ۇرلانعانىن انىقتاعان.

مالدى ۇرىلار شارۋا قوجالىقتارىنىڭ جازعى جايلاۋىنان ۇرلاعان.

«شارۋا قوجالىعىنا كەلتىرىلگەن زالال 510 مىڭ تەڭگەگە باعالاندى»، دەپ حابارلادى وبلىستىق ءى ءى د.

ۇرىلاردىڭ بارلىعى سەمەي قالاسىنىڭ تۇرعىندارى بولىپ شىقتى. بىرەۋى 21 جاستا، تاعى ءبىرى 42 جاستا، تاعى ەكى كۇدىكتى 41 جاستا.

ولار ق ر ق ك 188-بابى 2-بولىمىنە سايكەس، قىلمىستىق جاۋاپكەرشىلىككە تارتىلدى. تەرگەۋ امالدارى جۇرگىزىلۋدە، ولاردىڭ وسىعان ۇقساس وزگە قىلمىستارعا قاتىسى بارلىعى تەكسەرىلىپ جاتىر.