ون جاسار سپورتشى ءوز رەكوردىن قازاقستاننىڭ وليمپيادا قۇراماسىنا ارنادى - فوتو
10 جاسار امير كەۋدەسىن جەردەن 1000 رەت كوتەردى. بۋرابايدىڭ «بولەكتاۋ» شىڭىندا ورىنداعان رەكوردىن امير قازاقستاننىڭ وليپيادالىق قۇراماسىنا ارنادى.
رەكورد كينەس قازاقستان رەكوردتار كىتابىنىڭ رەسمي وكىلى قۋاندىق قۇدايبەرگەنوۆتىڭ تاراپىنان تىركەلدى.
جاستىعىنا قاراماستان امير ماحمەت بۇگىندە كينەس قازاقستان رەكوردتار كىتابىنىڭ ءتورت مارتە رەكوردسمەنى بولىپ تابىلادى. العاشقى رەكوردىن ول 2015 -جىلدىڭ 1- ماۋسىمىندا «بالالاردى قورعاۋ كۇنى» مەرەكەسىنە وراي Bar Bars كومانداسى تاراپىنان ۇيىمداستىرىلعان Street Workout بويىنشا جازعى ماۋسىمىنىڭ اشىلۋىندا كەۋدەسىن جەردەن 450 رەت كوتەرىپ ورناتقان بولاتىن.
ەكىنشى رەكوردىن امير Street Workout-تان وتكەن اقمولا وبلىسىنىڭ چەمپيوناتىندا كەۋدەسىن جەردەن 30 مينۋتتا 50 رەت كوتەرىپ ورىنداعان. ال ءۇشىنشى رەكوردىن جاس سپورتشى 2015 -جىلدىڭ قىركۇيەگىندە قازاق حاندىعىنىڭ 550 جىلدىق مەرەيتويى اياسىندا كەۋدەسىن جەردەن 550 رەت كوتەرىپ ورناتتى. ءتورتىنشى، بالالار اراسىنداعى الەمدىك رەكوردىن امير بوكستان كاسىبيلەر اراسىندا الەم چەمپيونى گەننادي گولوۆكيننىڭ دومينيك ۋەيدپەن وتەتىن جەكپە- جەگىنە قولداۋ رەتىندە ورناتتى.
امير استانادان بىرنەشە شاقىرىم جەردە ورنالاسقان قاجىمۇقان اۋىلىنىڭ تۇرعىنى. ول ءتۇرلى تەلەۆيزيالىق باعدارلامالار مەن سپورتتىق ءىس- شارالارعا ءجيى قاتىسىپ تۇرادى.
امير - سپورتتى سەرىك ەتكەن ماحمەتوۆتەر اۋلەتىنىڭ جارقىن وكىلدەرىنىڭ ءبىرى. اعاسى ايدار ماحمەتوۆ، قازاقستاننىڭ ەڭبەك سىڭىرگەن سپورت شەبەرى، كاراتە جانە م م ا- دان 3 مارتە الەم چەمپيونى، دجيۋ- دجيتسۋدان 3 مارتە ەۋروپا چەمپيونى، اتاسى ءالىمجان ماحمەتوۆ سپورتتىڭ التى ءتۇرى بويىنشا رازرياد يەگەرى بولىپ تابىلادى. تاعى ءبىر اعاسى، بوكستان ق ر- نىڭ چەمپيونى ازات ماحمەتوۆ «استانا ارلانس» كومانداسىنىڭ ساپىنا كىرەدى، سونداي- اق بوكستان قازاقستان قۇراماسىنىڭ مۇشەسى. وقۋدا دا، سپورتتا دا الدا بولۋ - بۇل اۋلەتتىڭ بەرىك ۇستانعان باستى قاعيداسى. 
Әкеммен Бурабайдағы биік бір таудың басына көтерілдік🗻 Мұндай тамаша табиғаттың аясында жаттығу жасамай тұра алмадым💪 Таза ауа, тау-тас, жап-жасыл ағаштардың ортасында жаттығу жасау да сондай керемет👍 Осындай көркем табиғатымызды аялай білейік🌲 #Бурабай #ҚазақЕлі #ҚажымұқанАуылы #АлғаҚазақстан #Kazakhstan #Astana #AmirMakhmet #AmirMaxTeam #Отжимания #Планка #ЗОЖ #Boxing #GGG #StreetWorkout #BJJ #CrossFitKz #CrossFitKids #KazSport #OlympicGames #Rio2016
