شۆەيتساريا ە و- عا كىرۋ تۋرالى ءوتىنىمدى قايتارىپ العانى جونىندە بريۋسسەلدى حاباردار ەتتى
بۇل جونىندە سىرتقى ىستەر فەدەرالدىق دەپارتامەنت باسشىسى بۋركحالتەر ديدە حابارلاپ، بۇرىندارى ءوتىنىمدى قايتارىپ الۋعا پارلامەنتتىڭ داۋىس بەرۋىنە بايلانىستى بۇل قادامنىڭ ەسكەرتىلگەنىن ايتتى، دەپ جازادى ت ا س س.
«بىزدە ەڭ جاقىن سەرىكتەسىمىز ەۋرووداقپەن نەگىز قالاۋشى جانە ەكى تاراپتى كەلىسىمدەر بار، ءبىراق ول وداققا كىرگىمىز كەلمەيدى»، - دەپ مالىمدەدى بۋركحالتەر شۆەيتساريالىق كونفەدەراسيا قۇرىلۋىنىڭ 725 جىلدىعىنا وراي ۇيىمداستىرىلعان ۆاللورب قالاسىنداعى سالتاناتتى جينالىس بارىسىندا. - فەدەرالدىق كەڭەس تە وسى تاڭداۋعا توقتادى. ەۋروپا ەكونوميكالىق كەڭىستىگى جايلى ماسەلە بويىنشا داۋىس بەرۋ ناتيجەسىندە 1992 -جىلى بەرىلگەن وداققا ەنۋ تۋرالى ءوتىنىمنىڭ كۇشىن جوعالتقانىن راستاۋ ءۇشىن بىرنەشە كۇن بۇرىن جازباشا تۇردە ەۋروپالىق وداقتى حاباردار ەتتى. سونىمەن بىرگە، شۆەيتساريالىق ديپلوماتيا باسشىسى اتاپ وتكەندەي، ەل ۇكىمەتى ءوزىنىڭ ە و- مەن ەكىجاقتى كەلىسىم جولىن جالعاستىرۋعا جانە دامىتۋعا ىنتالى ەكەنىن ەسكە سالدى.
15 - ماۋسىم كۇنى شۆەيتساريالىق پارلامەنتتىڭ «كىشى پالاتاسى» - كانتوندار كەڭەسى «ۇلكەن پالاتا» - ۇلتتىق كەڭەستىڭ ناۋرىز ايىندا قابىلداعان شەشىمىمەن كەلىسىپ، ءوتىنىمدى قايتىپ الۋدى قولدايتىندارىن جەتكىزدى.
وداققا ەنۋ تۋرالى ءوتىنىم 1992 -جىلدىڭ مامىر ايىندا بەرىلگەن. الايدا، سول جىلدىڭ جەلتوقسان ايىندا وتكەن تاعدىرشەشتى رەفەرەندۋمدا شۆەيتساريا حالقىنىڭ % 50,3- ىنىڭ داۋىسىمەن ەۋروپا ەكونوميكالىق كەڭىستىگىنە قوسىلۋعا قارسى شىعۋىنان كەيىن، ءىس جۇزىندە وزەكتىلىگىن جوعالتقان.
شيرەك عاسىر بويى ەش وزگەرىسسىز جاتقان سول ءوتىنىمدى قايتارۋ- قايتارماۋ ماسەلەسى شۆەيتساريادا پىكىرتالاس تۋعىزدى. ەو- عا جاقىنداۋدان كونفەدەراتسيا سۋۆەرنيتەتىنە قاۋىپ تونەدى دەپ سانايتىن قۇقىقتىق- كونسەرۆاتورلىق شۆەيتساريا حالىق پارتياسىنىڭ وكىلدەرى ءوتىنىمدى رەسمي قايتارىپ الۋدى تالاپ ەتتى.
شۆەيتساريا بۇكىل ەۋروپاعا جوعارى اۋقاتتىلىقتىڭ ەۋروپالىق وداققا مۇشەلىگىمەن بايلانىسسىز ەكەنىن كورنەكى تۇردە كورسەتۋدە. ستاتيستيكا فەدەرالدىق باسقارماسىنىڭ مالىمەتتەرى بويىنشا، گەرمانيامەن، فرانسيامەن سالىستىرعاندا، شۆەيتساريا حالقىنىڭ ورتاشا تابىس دەڭگەيى 1,3 ەسە جوعارى، يتاليا حالقىنان 1,7 ەسە كوبىرەك. مامىر ايىنىڭ سوڭىندا جاريالانعان «قاۋىپسىزدىك - 2016» جىل سايىنعى الەۋمەتتىك زەرتتەۋ قورىتىندىسىنا سايكەس، شۆەيتساريا ازاماتتارى ءوز ەلىنىڭ تاۋەلسىز ەكونوميكالىق باعىتىن جوعارى باعالايدى. 2015 -جىلمەن سالىستىرعاندا ە و- عا كىرۋدى جاقتاۋشىلار سانى 21 پايىزدان 16 پايىزعا دەيىن تومەندەگەن.
