11:35, 02 - تامىز 2016 | GMT +5
قازاقستاندا ءوتىپ جاتقان اسكەري حالىقارالىق ويىنداردا جاراقات العان انگولا جاۋىنگەرى كوز جۇمدى
استانا. قازاقپارات - كەلىپ تۇسكەن مالىمەتتەرگە سايكەس، اسكەري حالىقارالىق ويىندار - 2016 قاتىسۋشىسى، انگولا قارۋلى كۇشتەرىنىڭ اسكەري قىزمەتكەرى، قاتارداعى جاۋىنگەر فرانتسيشكو دجوردج كوز جۇمدى.
ونى ماسكەۋدەگى انگولا اسكەري اتتاشەسىنىڭ اپپاراتى راستادى.
ق ر قورعانىس مينيسترلىگى باسپا ءسوز قىزمەتىنىڭ حابارلاۋىنشا، بىرنەشە كۇن بۇرىن ول جاتتىعۋ كەزىندە اۋىر جاراقات العان ەدى. حالىقارالىق اسكەري ويىندارعا دايىندىقتا، جاتتىعۋ اتۋلارىن وتكىزۋ بارىسىندا انگولا كومانداسىندا مينومەت اتىلعان. كوماندانىڭ قاۋىپسىزدىك شارالارىن بۇزۋىنان جانە مينومەتتى ەكى رەت وقتاعاندىقتان سنارياد جارىلعان.
وقيعا بولعان كۇنى وتار اسكەري گوسپيتالىنە جەدەل تۇردە الماتىلىق حيرۋرگتەر جەتكىزىلدى. رەسەي فەدەراتسياسىنان ماماندار بريگاداسى دا كەلدى. اسكەري قىزمەتكەرگە وتا جاسالدى. اسكەري دارىگەرلەر ونىڭ ءومىرىن ساقتاۋعا تىرىستى، الايدا اۋىر جاراقات ولىمگە اكەپ سوقتىردى.
