لەنيندى اتقان كىم؟
قالاداعى «ەڭبەك داڭقى» دەپ اتالاتىن بۇرىنعى ساياباقتا ءبىر توپ بۇزاقىنىڭ وسىندا تۇرعان لەنين ەسكەرتكىشىن اتقىلاپ جاتقانىن ءيت قىدىرتىپ جۇرگەن ءبىر ايەل كورىپ قالىپتى. «پالەدەن ماشايىق قاشىپتى» دەگەن، ايەل الگى جەردەن ءيتىن سۇيرەي قاشقان ەكەن.
ەرتەڭىندە قايتىپ كەلىپ، كۇن كوسەمنىڭ ەسكەرتكىشىن انىقتاپ قاراسا، ءمۇسىننىڭ كەۋدە تۇسىنان تيگەن بىرنەشە وقتىڭ ءىزىن بايقاپتى. سودان كەيىن ول ءوزىنىڭ كورگەن- بىلگەنىن جۋرناليستەرگە ايتىپ بەرگەن. قازىرگى ۋاقىتتا بۇدان پوليتسيا قىزمەتكەرلەرى دە حاباردار بولىپتى.
ەسكە سالساق، تەمىرتاۋداعى لەنين ەسكەرتكىشىنىڭ قالا تۇرعىندارىنان كورىپ وتىرعان قۇقايى جالعىز بۇل ەمەس. ماسەلەن، 2012 -جىلى بەلگىسىز بىرەۋلەر كوسەم كيگەن قولا پالتونىڭ شالعايىن كەسىپ اكەتكەن بولاتىن.
نەگىزى ەسكەرتكىش تاريحي قۇندىلىقتار تىزىمىنەن الىنىپ تاستالعان ەكەن. سول سەبەپتى ونى ۇستاپ تۇرۋعا بيۋدجەتتەن قارجى قاراستىرىلماعان. ال وقيعا ورىن العان ساياباق قازىرگى ۋاقىتتا پوليتسيا جاساعى جۇرەتىن نىساندار قاتارىنان الىنىپ تاستالعان كورىنەدى...
«ەگەمەن قازاقستان»
