قىزىلوردا وبلىسى مەن ۆەتنام ساۋدا- ەكونوميكالىق بايلانىسىن نىعايتپاق
كەزدەسۋ بارىسىندا ارىپتەستىك نەگىزدە اتقارىلاتىن جۇمىستار تالقىلاندى. اتاپ ايتقاندا قىزىلوردا وبلىسى مەن ۆەتنام رەسپۋبليكاسى ساۋدا- ەكونوميكالىق بايلانىسىن نىعايتۋدى كوزدەپ وتىر. وسى ورايدا استانا قالاسىندا بيزنەس- فورۋم ۇيىمداستىرىلاتىن بولادى. ياعني، ناقتى جۇزەگە اساتىن جوبالار اتالعان فورۋمدا ەكىجاقتى تالقىلانىپ، كەلىسىمدەرگە قول قويىلادى دەپ كۇتىلۋدە.
- بىزگە قىزىلوردا وبلىسىنىڭ دامۋ ىرعاعى ۇناپ وتىر. بۇل ايماقپەن الداعى ۋاقىتتا ەت ءوندىرىسىن بىرلەسىپ دامىتساق دەيمىز. وسى باعىتتاعى جۇمىستاردى وبلىس اكىمىمەن جان- جاقتى تالقىلادىق. مۇنان باسقا دا تاۋار وندىرىسىندە بىرلەسە جۇمىس ىستەۋگە مۇمكىندىك بار، - دەدى ۆەتنام رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى دوان تحي سۋان حيەن.
كەزدەسۋدەن كەيىن دوان تحي سۋان حيەن باستاعان دەلەگاتسيا «جان- اراي» ج ش س- دە بولىپ، وڭىرلىك كاسىپكەرلەر پالاتاسىنىڭ جۇمىسىمەن تانىستى. قوناقتار ايماقتىڭ ينۆەستيتسيالىق جوبالارىن كورىپ، كاسىپكەرلەرمەن كەزدەستى.
