ۇلى قىتاي قورعانى جوق بولىپ كەتە جازداپ تۇر
تەلەارنا ءتىلشىسى سۇيەنىپ وتىرعان مالىمەت بويىنشا، قازىر قىتايدا كونە زاماندارداعى قورعانىس بەكىنىستەرىن قىلمىستىق دارەجەدە تالان- تاراجعا سالىپ، ۇرلاپ كەتۋدەن قورعاۋ جونىندە جاڭا ءبىر ناۋقان باستالىپ كەتكەنگە ۇقسايدى.
سولاردىڭ ەڭ الدىڭعى لەگىندە تۇرعان ۇلى قىتاي قورعانى يمپەريانى سىرتقى جاۋدان، كوشپەندىلەر شابۋىلىنان قورعاۋ ءۇشىن ءبىزدىڭ داۋىرىمىزگە دەيىنگى ءۇشىنشى عاسىردا سالىنعان. الايدا، قانشا تىيىم سالىنعانىنا قاراماستان، بۇل قورعانعا جەرگىلىكتى تۇرعىندار تاراپىنان شابۋىل جاساۋ توقتاتىلماي كەلەدى. جۇرت ءۇي سالۋ ءۇشىن ونىڭ كىرپىشتەرىن كەرتىپ الۋلارىن قوياتىن ەمەس. ال شەتەلدەردەن كەلگەن تۋريستەر ونى كادەسىي رەتىندە الۋعا قۇمارتىپ تۇرادى ەكەن. وسىلايشا قانشاما عاسىرلاردان بەرى جاۋىن مەن جەلدىڭ، كۇن مەن ىستىقتىڭ سالدارىنان بىرتىندەپ ءمۇجىلىپ كەلە جاتقان اتاقتى قورعان ادامدار تاراپىنان دا زالال كورۋدە.
رەسمي ستاتيستيكاعا سايكەس، قورعاننىڭ 30 پايىزى ميڭ اۋلەتى كەزىندە جوق بولىپ كەتىپتى. ونىڭ 10 پايىزدان كەمدەۋ اۋقىمىنىڭ عانا قازىر جاعدايى جاقسى كورىنەدى.
