استانادا ەڭ تانىمال پوليتسەيگە مەدال تاپسىرىلدى

استانا. قازاقپارات - استانادا ەڭ تانىمال پوليتسيا پولكوۆنيگى، ىشكى ىستەر مينيستىرلىگىنىڭ قۇراما كومانداسىنىڭ كاپيتانى سەرىك نۇرعاليەۆكە «قازاقستاندا پوليتسەي باۋىرمالدىعى يدەياسىن ىلگەرىلەتكەنى ءۇشىن» مەدالى تاپسىرىلدى.

بۇل تۋرالى حالىقارالىق پوليتسەيلەر قاۋىمداستىعىنىڭ قازاقستاندىق فيليالىنان حابارلادى.

ماراپاتتى حالىقارالىق پوليتسەيلەر قاۋىمداستىعى قازاقستاندىق فيليالىنىڭ پرەزيدەنتى مارات نۇرعاليەۆ تاپسىردى.

«بارشاعا بەلگىلى، زاپاستاعى پوليتسيا پولكوۆنيگى سەرىك نۇرعاليەۆ قازاقستاننىڭ ەڭبەك سىڭىرگەن سپورت شەبەرى، الەمنىڭ ون مارتە چەمپيونى جانە رەكوردشىسى، قۇقىق قورعاۋ ورگاندارى اراسىنداعى ەۋروپا چەمپيونى، قۇقىق قورعاۋ ورگاندارى اراسىنداعى الەمدىك بىرىنشىلىكتەردىڭ 31 التىن، 5 كۇمىس جانە 3 قولا مەدالدارىنىڭ يەگەرى»، - دەپ اتاپ ءوتتى حالىقارالىق پوليتسەيلەر قاۋىمدپاستىعىندا.

«قازىرگى كەزدە كوماندانى 2017 -جىلى جازدا مونرەال قالاسىندا (كانادا) وتەتىن كەلەسى بۇكىلالەمدىك قۇقىق قورعاۋ ورگاندارى وليمپياداسىنا كۇشەيتىلگەن تۇردە ازىرلەۋ ءجۇرىپ جاتىر»، - دەپ حابارلادى ق ر ءى ءى م قۇراما كومانداسىنىڭ كاپيتانى س. نۇرعاليەۆ.