رەسەي ارمياسىندا جاڭا لازەر قارۋى پايدا بولدى
رەسەي فەدەرالدىق يادرولىق ورتالىعى - بۇكىل رەسەيلىك ەكسپەريمەنتتىك فيزيكا عىلىمي- زەرتتەۋ ينستيتۋتىنىڭ 70 جىلدىعىنا ارنالعان سالتاناتتى شارا بارىسىندا بوريسوۆ جاڭا فيزيكالىق قاعيداتتارعا نەگىزدەلگەن قارۋ جاساۋدىڭ جۇزەگە اسقانىن اتاپ ءوتتى.
«بۇل تاڭسىق دۇنيە ەمەس، ەكسپەريمەنتتىك ۇلگىلەر ەمەس - لازەر قارۋىنىڭ جەكە ۇلگىلەرىن قارۋلار قاتارىنا قوسىپ ۇلگەردىك»، - دەدى بوريسوۆ.
جاڭا فيزيكالىق قاعيداتتارعا نەگىزدەلگەن قارۋ - ءداستۇرلى قارۋ- جاراقتا (پىشاق، مىلتىق) نەمەسە جاپپاي قىرىپ- جوياتىن (يادرولىق، حيميالىق، باكتەريولوگيالىق) قارۋلاردا پايدالانىلماعان فيزيكالىق پروتسەسستەر مەن كورىنىستەر نەگىزىندە جاسالعان قارۋ.
وپەراتسيالىق پرينتسيپىنە بايلانىستى، جاڭا فيزيكالىق قاعيداتتارعا نەگىزدەلگەن قارۋ لازەرلىك، راديوجيىلىكتىك، شوعىرلى، كينەتيكالىق قارۋ بولىپ بولىنەدى.
بۇدان بۇرىن بوريسوۆ قارۋلانۋدىڭ 2025 -جىلعا دەيىنگى مەملەكەتتىك باعدارلاماسى اياسىندا جاڭا فيزيكالىق قاعيداتتارعا نەگىزدەلگەن قارۋلار رەسەي قارۋلى كۇشتەرىنىڭ كەلبەتىن كورسەتەتىنىن حابارلاعان ەدى.
