04:00, 02 - تامىز 2016 | GMT +5
قازاقتىڭ توي كيىمى الەمنىڭ ەڭ ادەمى كيىمدەرىنىڭ ۇزدىك بەستىگىنە كىردى
استانا. قازاقپارات - قازاقتىڭ ءداستۇرلى ۇلتتىق كيىمدەرى ۇزدىك وندىقتىڭ اراسىنان بەسىنشى ورىنعا تابان تىرەدى.
قازاقتىڭ ۇلتتىق كيىمدەرى فيليپپين، گورا ايماعى، قىتاي، ترانسيلۆانيا، شوتلانديا، موڭعوليا، جاپونيانى ارتتا قالدىرعان.
قۇرامىنا شاپان جانە ساۋكەلە كىرەتىن، ەجەلدەن توي كيىمىنىڭ ءبىر بولشەگى سانالعان قىز جاساۋىنىڭ قۇنى دا ازعا باعالانباعان. قىزدىڭ وتباسى قانشالىقتى باي بولعان سايىن، سونشالىقتى اسەمدەگەن. باس كيىمى قىز تۇرمىسقا شىعاردان ءبىر جىل بۇرىن ادەيىلەپ تىگىلگەن.
ءتورتىنشى ورىندا گانا ەلىنىڭ كيىمى جايعاسقان. ۇشتىكتى ۋكراينالىق كارپاتتىڭ ەتنيكالىق كوستيۋمى قورىتىندىلاپ تۇر. ال ەكىنشى ورىندى نيگەريا ەلى ەنشىلەپتى. قالىڭدىقتىڭ اسەمدەلۋى مەن كيىمىنىڭ كۇردەلىلىگىنە بايلانىستى ءبىرىنشى ورىندى ءۇندى كيىمى يەلەنگەن. رەيتينگتى Boredpanda.com پورتالى قۇراستىرىپ شىققان.
