الماتىدا كادرلىق اۋىس-تۇيىستەر ورىن الدى

الماتى. قازاقپارات - الماتىنىڭ مەملەكەتتىك قۇرىلىمدار باسشىلىعىندا كادرلىق اۋىس- تۇيىستەر ورىن الدى.

بۇل تۋرالى بۇگىن الماتى قالاسى اكىمىنىڭ باسپا ءسوز قىزمەتىنەن حابارلادى.

سونىمەن، الماتى قالاسىنىڭ كاسىپكەرلىك جانە يندۋستريالدى- يننوۆاتسيالىق دامۋ باسقارماسى باسشىسىنىڭ ورىنباسارى بولىپ ەرمەك سالداروۆ تاعايىندالدى.

ە. سالداروۆ 1988 -جىلى 28 -ناۋرىزدا وڭتۇستىك قازاقستان وبلىسىنىڭ مىرزاكەنت كەنتىندە تۋعان. جوعارى ءبىلىمى بار: 2010 -جىلى وكسفورد بيزنەس- كوللەدجىن، ال 2015 -جىلى ۋەلس ۋنيۆەرسيتەتىن بىتىرگەن. ىسكەرلىك اكىمشىلىك سالاسىنىڭ ماگيسترى.

قازاق، ورىس جانە اعىلشىن تىلدەرىندە ەركىن سويلەيدى.

تاعايىندالعانعا دەيىن ق ر پرەمەر-ءمينيسترىنىڭ كەڭسەسىندە، ق ر س ءى م جانە الماتى قالاسى بويىنشا مەملەكەتتىك كىرىستەر دەپارتامەنتىندە ءتۇرلى قىزمەت اتقارعان.

ق ر ۇلتتىق ەكونوميكا مينيسترلىگىنىڭ تۇتىنۋشىلار قۇقىعىن قورعاۋ جونىندەگى كوميتەتىنىڭ الماتى قالاسى بويىنشا دەپارتامەنتى باسشىلىعىنا قايرات بايمۇحامبەتوۆ تاعايىندالدى.

ول 1964 -جىلى شىعىس قازاقستان وبلىسىنىڭ كۇرشىم اۋدانىندا تۋعان. 1991 -جىلى قاراعاندى مەديتسينالىق ينستيتۋتىن بىتىرگەن.

2006 -جىلى شىعىس قازاقستان وڭىرلىك ۋنيۆەرسيتەتىندە زاڭگەر ماماندىعىن العان.

2015 -جىلى ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ مەملەكەتتىك قىزمەتشىلەرگە قوسىمشا ءبىلىم بەرۋ ينستيتۋتىندا بىلىكتىلىگىن ارتتىرۋ كۋرسىنان ءوتتى.

قازاقستانىڭ حالىق شارۋاشىلىعى سالالارىندا 35 جىلدىق ەڭبەك ءوتىلى بار. سوڭعى جىلدارى ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەملەكەتتىك سانيتارلىق- ەپيدەميالوگيالىق باقىلاۋ كوميتەتىنىڭ اقمولا وبلىسى بويىنشا دەپارتامەنتىن جانە ق ر ۇلتتىق ەكونوميكا مينيسترلىگىنىڭ تۇتىنۋشىلار قۇقىعىن قورعاۋ جونىندەگى كوميتەتىنىڭ اقمولا وبلىسى بويىنشا دەپارتامەنتىن باسقاردى.

«الماتى ەنەرگوسبىت» ج ش س باس ديرەكتورى بولىپ ابىلاي يسايەۆ تاعايىندالدى.

ول 1974 -جىلى تالدىقورعان قالاسىندا تۋعان. 1995 -جىلى قازاق مەملەكەتتىك باسقارۋ اكادەمياسىن ەكونوميست ماماندىعى بويىنشا تامامداعان. ال 2005 -جىلى قازاق كولىك- جول ۋنيۆەرسيتەتىندە ينجەنەر ماماندىعىن العان.

تاعايىندالعانعا دەيىن، بانك جۇيەسىندەگى ءتۇرلى جاۋاپتى قىزمەتتەردە، «اقتاۋ حالىقارالىق تەڭىز ساۋدا پورتى» مەملەكەتتىك مەكەمە باسشىلىعىندا جاۋاپتى قىزمەتە، سونداي-اق، ق ر اۋىل شارۋاشىلىعى مينيسترلىگىنىڭ سۋ رەسۋرستارى كوميتەتىنىڭ «قازسۋشار» ر م ك باس ديرەكتورىنىڭ ورىنباسارى قىزمەتىن اتقارعان.

«الماتى جىلۋ كوممۋنەنەرگو» ج ش س باس ديرەكتورىنىڭ ورىنباسارى بولىپ سۇيىندىك احمەتوۆ تاعايىندالدى.

احمەتوۆ 1974 -جىلى تۋعان. 1991 -جىلى الماتى مەنەدجەرلەر مەكتەبىن جانە 2000 -جىلى ەۋرازيا نارىق ينستيتۋتىن بىتىرگەن.

سوڭعى جىلدارى «الماتى سۋ حولدينگى» م ك ك- دە قىزمەت ەتكەن. «لاشىن» جوبالاۋ- قۇرىلىس كومپانياسى» ج ش س ديرەكتورىنىڭ ورىنباسارى قىزمەتىن اتقاردى.

«الماتى زووباعى» مەملەكەتتىك كاسىپورنى ديرەكتورىنىڭ ورىنباسارى بولىپ داۋىربەك ءابۋوۆ تاعايىندالدى.

د. ءابۋوۆ 1970 -جىلى قىزىلوردا قالاسىندا تۋعان.

ءۇش جوعارى ءبىلىمى بار. ينۆەستيتسيا بويىنشا توپ- مەنەدجمەنت، اكتيۆتەردى باسقارۋ جانە اۋىل شارۋاشىلىعى سالاسىندا قىزمەتتەر اتقارعان.

سوڭعى جىلدارى قىزىلوردا وبلىستىق اۋىل شارۋاشىلىعى باسقارماسىن باسقاردى جانە «قىزىلوردا» وڭىرلىك ينۆەستيتسيالىق ورتالىعى باسقارماسى ءتوراعاسىنىڭ ورىنباسارى قىزمەتىن اتقاردى.

اۆتور: ايبوتا جاپپاربەرگەن