قازاقستاندىق وليمپياداشىلاردىڭ كەڭەس زامانىنداعى جەتىستىكتەرى
بيىل برازيليانىڭ ريو- دە- جانەيرو قالاسىندا وتەتىن XXXI جازعى وليمپيادا ويىندارىنا 100 دەن استام سپورتشىمىز قاتىسادى.
سالىستىرىپ قارايتىن بولساق، 1972 -جىلى ميۋنحەن قالاسىندا وتكەن XX جازعى وليمپيادا ويىندارىنا قازاق ك س ر اتىنان - 6 سپورتشى، ءتورت جىلدان كەيىن مونرەال وليمپياداسىنا - 11 سپورتشى، ال 1980 -جىلى ماسكەۋ وليمپياداسىندا ك س ر و قۇراماسى ساپىندا - 20 وتانداسىمىز قاتىسىپ، ەل نامىسىن قورعادى.
ق ر پرەزيدەنتى مۇراعاتىندا قازاقستاندىق سپورتشىلاردىڭ وليمپيادا ويىندارىنا قاتىسۋى جونىندە تاريحي قۇجاتتار ساقتالعان.
«ارينە، قازاقستاندىق سپورتشىلاردىڭ ماسكەۋدە وتكەن XXII جازعى وليمپيادا ويىندارىندا كورسەتكەن ونەرى، جەتكەن جەتىستىكتەرى ەرەكشە ەستە قالدى. ءدۇبىرلى دودادا وتاندىق سپورتشىلار رەسپۋبليكادا سپورت دەڭگەيىنىڭ جوعارى دارەجەدە ەكەندىگىن كورسەتتى.
بۇل تۋرالى ك س ر و مينيسترلەر كەڭەسى جانىنداعى دەنە شىنىقتىرۋ جانە سپورت كوميتەتىنىڭ قازاق ك س ر باسشىلىعىنا جولداعان حاتىندا جازىلعان. تاعى ءبىر مۇراعاتتىق قۇجات - ماسكەۋ وليمپياداسىنا قاتىسۋشىلار تۋرالى انىقتامادا مەدالدار سانى بويىنشا دەرەكتەر كەلتىرىلگەن: «بۇعان دەيىنگى مونرەال وليمپياداسىنا 11 قازاقستاندىق ونەر كورسەتتى. ولاردىڭ ىشىندە 6 سپورتشى ماراپاتقا يە بولدى»، - دەلىنگەن ق ر پرەزيدەنتى مۇراعاتىنىڭ حابارلاماسىندا.
بۇدان ءارى، انىقتامادا ماسكەۋ وليمپياداسىنىڭ جۇلدەگەرلەرى مەن ولاردىڭ باپكەرلەرى تۋرالى دەرەكتەر كەلتىرىلگەن. بارلىعى 16 قازاقستاندىق سپورتشى ءار ءتۇرلى دارەجەدە جۇلدەگەر اتاندى.
كەڭەس سپورتشىلارى بارلىعى ماسكەۋ وليمپياداسىندا 80 التىن مەدالدى جەڭىپ الدى. ولاردىڭ ىشىندە 6 التىن مەدال قازاقستاندىق سپورتشىلارعا تيەسىلى. ولاردىڭ ەسىمدەرى: جاقسىلىق ۇشكەمپىروۆ (گرەك- ريم كۇرەسى، 48 كەلى) جانە ءشامىل سەرىكوۆ (گرەك- ريم كۇرەسى، 57 كەلى)، ۆيكتور مازين (اۋىر اتلەتيكا، 60 كەلى)، سەرگەي كوتەنكو (سۋ دوبى)، نادەجدا ولحوۆا (باسكەتبول) جانە ۆلاديمير مۋراۆيەۆ (جەڭىل اتلەتيكا، ەستافەتا 4*100 مەتر).
سونىمەن قاتار، اناتولي بىكوۆ (گرەك- ريم كۇرەسى، 74 كەلى)، ۆيكتور دەميانەنكو (بوكس، 60 كەلى) جانە سەرىك قوناقبايەۆ (بوكس، 63,5 كەلى) ماسكەۋ وليمپياداسىندا كۇمىس مەدالدى يەلەنسە، كوگالداعى حوككەيدەن ك س ر و قۇراماسىنىڭ مۇشەلەرى ميننەۋلا ازيزوۆ، الەكساندر گونچاروۆ، ولەگ زاگورودنيەۆ، فريد زيگانگيروۆ، الەكساندر مياسنيكوۆ جانە ميحايل نيچەپۋرەنكو، سونداي- ق، جەڭىل اتلەتيكا بويىنشا تاتيانا لەسوۆايا (ديسك لاقتىرۋشى، وليمپيادالىق ناتيجە: 67,4 مەتر) قولا مەدالگە قول جەتكىزدى.
ق ر پرەزيدەنتى ارحيۆىنىڭ ديرەكتورى، تەحنيكا عىلىمدارىنىڭ دوكتورى بوريس جاپاروۆتىڭ ايتۋىنشا، ماسكەۋ وليمپياداسىنا قاتىسقان 20 قازاقستاندىق سپورتشىنىڭ 16 سى جۇلدەگەر اتاندى. بۇل كەڭەستىك رەسپۋبليكالار اراسىندا ەڭ جوعارى كورسەتكىشتەردىڭ ءبىرى. بارلىعى ماسكەۋ وليمپياداسىندا سپورتتىڭ 21 ءتۇرى بويىنشا ويىندار ءوتتى. ال قازاقستاندىق سپورتشىلار 10 سپورت ءتۇرى بويىنشا ونەر كورسەتتى.
اۆتور: ايبوتا جاپپاربەرگەن
