18:40, 01 - تامىز 2016 | GMT +5
قازاقستاننىڭ مىڭ جارىمنان استام اۋىلىندا مەكتەپ جوق
استانا. قازاقپارات - قازاقستاندا 1500 دەن استام اۋىلدا جالپى ءبىلىم بەرۋ مەكتەپتەرى جوق. بۇل تۋرالى ق ر ءبىلىم جانە عىلىم مينيسترلىگى بالالاردىڭ قۇقىقتارىن قورعاۋ كوميتەتى ءتوراعاسىنىڭ مىندەتىن اتقارۋشى مانشۇك ابدىكارىم حابارلادى.
«جەرگىلىكتى اتقارۋشى ورگاندار وقۋشىلاردىڭ مەكتەپكە قاتىناۋىن ۇيىمداستىرۋعا ەرەكشە كوڭىل بولگەنى ءجون. بۇگىن ءبىزدىڭ ەلىمىزدە مەكتەبى جوق 1523 اۋىل بار. ول جەردە 27 مىڭنان استام بالا تۇرىپ جاتىر»، - دەدى م. ابدىكارىم ورتالىق كوممۋنيكاتسيالار قىزمەتىندە وتكەن باسپا ءسوز كونفەرەنسياسىندا.
سونداي-اق، ول مەكتەپتەردە وقۋشىلاردى تاماقتاندىرۋ ماسەلەسىن ۇيىمداستىرۋ قاجەتتىگىن اتاپ ءوتتى.
