15:58, 01 - تامىز 2016 | GMT +5
قانات يسلام الەم چەمپيونى اتانۋ ءۇشىن الماتىدا جەكپە-جەك وتكىزەدى
استانا. قازاقپارات - «جاس قازاق» سايتىندا ءمالىم بولعانداي وسى جىلدىڭ 29 -قازانىندا كاسىپقوي بوكسشى قانات يسلام WBA (Interim) تۇجىرىمى بويىنشا الەم چەمپيونى اتاعى ءۇشىن جەكپە-جەك وتكىزەدى.
جەكپە- جەك «جەرسۋ» كورپاراتسياسىنىڭ باس دەمەۋشىلىگىمەن الماتى قالاسىندا ۇيىمداستىرىلادى. بوكسشى ءۇشىن بۇل وتە جاۋاپتى ءارى كوپتەن كۇتكەن كەزدەسۋ بولماق. ەندى قاناتتىڭ كەزدەسۋىن كورۋ ءۇشىن جانكۇيەرلەر قۇرلىق اسپاي-اق قازان ايىندا الماتىعا كەلەتىن بولادى. قاناتتىڭ قارسىلاسى كىم ەكەنىن جاقىن كۇندەرى جاريالايتىن بولامىز.
ايتا كەتەيىك قانات يسلام - WBA Fedecaribe تۇجىرىمىنىڭ چەمپيونى، وسى ۋاقىتقا دەيىن 21 كەزدەسۋ وتكىزىپ، بارلىعىندا جەڭىسكە جەتكەن.
