مەكسيكالىق جەزوكشەلەر قارتايعان كەزدە نەمەن اينالىساتىنىن بىلەسىز بە؟ - فوتو

استانا. قازاقپارات - «كاسا سوچيكەتسال» - مەحيكوداعى مەملەكەتتىك مەكەمە، وندا قارتايعان جەزوكشەلەر ءومىرىنىڭ سوڭعى جىلدارىن وتكىزەدى.

بۇل جەردە الەۋمەتتىك از قامتىلعان وتباسىنان شىققاندار، قارا باسىن اسىراي المايتىن جاعدايداعى بۇرىنعى جەزوكشەلەر تۇرادى. ولارعا تەگىن تاماق، تەگىن مەديتسينالىق جاردەم مەن جاتىن جاي بەرىلگەن.

جەزوكشە

بۇل تۋرالى Daily Mail جازدى.

 

مۇنداي «تۇنگى كوبەلەكتەر» ازاماتتىق قۇقىقتارى جايلى ءبىلىپ، ءوزىن- ءوزى باعالاۋ بويىنشا ساباقتار وقيدى. ءتىپتى جەزوكشەلىك كەزىندە العان جاراقاتتارى بولسا سونى ەمدەپ جازۋعا ۇيرەتىلەدى.

 

 لۋچيتا- «كاسا سوچيكەتسال» - دىڭ تۇرعىنى. كەزىندە جەزوكشەلىكپەن اينالىسقان ايەل قازىر وسىندا تەگىن تاماقتانىپ، وسى جەردەن تەگىن جاتىن جاي العان.

 

نورما انحەليكا دا وسى مەكەمەنىڭ تۇرعىنى. بۇل جەردى پانا تۇتقان ايەل جاسىنىڭ قارتايۋىنا بايلانىستى ءقازىر جۇمىس ىستەي المايدى. ءتىپتى جانىن باعۋعا شاماسى جوق دەسەك بولادى. بۇل مەكەمەنىڭ تۇرعىندارىنىڭ بارلىعى دەرلىك پسيحولوگيالىق جاراقات العاندار.

 

ەليا وتكەن ءومىرىن ۇمىتۋ ءۇشىن قۋىرشاقتارمەن سويلەسەدى.

 

مۇنداعىلار كوبىندە پسيحولوگيالىق قولداۋ مەن ساباقتارعا ءزارۋ. ولارعا وسى سالا ماماندارى تىنباي كومەك قولىن سوزادى. ماقسات: ولار قارتايعان شاعىندا تىنىشتىقتا، ءوزىن-ءوزى ادام سەزىنىپ ءومىر سۇرۋلەرى كەرەك.

 

 مەحيكوداعى جەزوكشەلەر ءومىر بويىنا جۇرتتىڭ كەمسىتۋى مەن وزگەنىڭ قىسىمىندا بولعاندار.

 

بۇل قوعامدىق ۇيىم وكىلدەرى كۇن سايىن قۇدايعا قۇلشىلىق ەتەدى. ولار تۇرعىنداردىڭ پسيحولوگيالىق، فيزيكالىق، مورالدىق تۇرعىدان وزدەرىن جاقسى سەزىنۋلەرىنە كومەكتەسەدى ەكەن.

 

حۋانيتا ءوزىنىڭ جاڭا باسپاناسىندا الاڭسىز شاشىن بوياپ وتىر. ول كوشەدەگى باسسىزدىق پەن كەمسىتۋلەردەن ابدەن شارشاعانىن ايتادى.

 

مۇنداعىلار كاسىبي مامانداردىڭ كومەگىن العاننان بولەك ءبىر- بىرىنە دەمەۋ بولۋعا تىرىسادى ەكەن.

 

ورتالىقتى ۇيىمداستىرعانداردىڭ ماقساتى، پسيحولوگيالىق تۇرعىدا قاجىعان ازاماتتارعا ءومىرىنىڭ سوڭىنا تامان قۋانىش سىيلاۋ.

  

Stan.kz