الماتىدا كۇدىكتىنىڭ قاشىپ كەتۋىنە جول بەرگەن پوليتسيا قىزمەتكەرلەرى جۇمىستان شىعارىلۋى مۇمكىن

الماتى. قازاقپارات - الماتىدا كۇدىكتىنىڭ سوت عيماراتىنان قاشىپ كەتۋىنە جول بەرگەن جەدەل پوليتسيا قىزمەتكەرلەرى جۇمىستان بوساتىلۋى مۇمكىن.

بۇل تۋرالى بۇگىن الماتى قالالىق ءى ءى د باسپا ءسوز قىزمەتىنەن حابارلادى.

 «قازىر وسى دەرەك بويىنشا الماتى قالالىق ىشكى ىستەر دەپارتامەنتىندە قىزمەتتىك تەكسەرۋ جۇرگىزىلىپ جاتىر. سونىڭ ناتيجەسى بويىنشا كۇدىكتىنىڭ سوت عيماراتىنان قاشىپ شىعۋىنا جول بەرگەن پوليتسيا قىزمەتكەرلەرى جاۋاپقا تارتىلاتىن بولادى. ولار ءتىپتى ىشكى ىستەر ورگاندارىنان شىعارىلۋى مۇمكىن»، - دەلىنگەن حابارلامادا.

 ەستەرىڭىزگە سالا كەتەلىك، بۇعان دەيىن الماتى پوليتسياسىنىڭ كۇدىكتى - 1991 -جىلى تۋعان د. دوسماعامبەتوۆتى قايتا قولعا تۇسىرگەندىگى جايلى حابارلانعان بولاتىن. ول مۇنىڭ الدىندا وزىنە قاتىستى سوتقا دەيىنگى تەرگەۋ كەزەڭىندە بۇلتارتپاۋ شاراسىن تاعايىنداۋ ءۇشىن سوتقا جەتكىزىلگەن ەدى. الايدا، كۇدىكتى امالىن تاۋىپ، سوت عيماراتىنان قاشىپ شىققان. ءبىراق، كەيىن ۇستالدى.

قازىر، د. دوسماعامبەتوۆكە ق ر قىلمىستىق كودەكسىنىڭ 188-بابى، 2- تارماعىنىڭ 2- شى جانە 3- بولىمدەرىندە قاراستىرىلعان قىلمىستاردى (بوگدەنىڭ مۇلكىن ۇرلاۋ) جاساعان دەگەن كۇدىك تاعىلىپ وتىر.

 بەلگىلى بولعانىنداي، ول بۇعان دەيىن دە وسى تەكتەس قىلمىستارى ءۇشىن قىلمىستىق جاۋاپكەرشىلىككە تارتىلعان.

اۆتور: ايبوتا جاپپاربەرگەن