الماتى پوليتسياسى سوت عيماراتىنان قاشىپ كەتكەن كۇدىكتىنى ىزدەستىرۋدە

الماتى. قازاقپارات- الماتى پوليتسياسى 1991 - جىلى تۋعان د. دوسماعامبەتوۆتى ىزدەستىرۋ ۇستىندە. ول ق ر قىلمىستىق كودەكسىنىڭ 188-بابى، 2- تارماعىنىڭ 2- شى جانە 3- بولىمدەرىندە قاراستىرىلعان قىلمىستاردى (بوگدەنىڭ مۇلكىن ۇرلاۋ) جاساعاندى ءۇشىن ۇستالعان بولاتىن.

 الايدا ول، سوت عيماراتىنان قاشىپ كەتتى. بۇل تۋرالى بۇگىن الماتى قالالىق ءى ءى د باسپا ءسوز قىزمەتىنەن حابارلادى.

كۇدىكتى ول جەرگە سوتقا دەيىنگى تەرگەۋ كەزەڭىنە قاتىستى بۇلتارتپاۋ شاراسىن تاعايىنداۋ ءۇشىن جەتكىزىلگەن بولاتىن.

 بەلگىلى بولعانىنداي، كۇدىكتى بۇعان دەيىن دە وسى تەكتەس قىلمىستارى ءۇشىن قىلمىستىق جاۋاپكەرشىلىككە تارتىلعان.

قازىرگى تاڭدا جەدەل پوليتسيا قىزمەتكەرلەرى قاشقىندى ىزدەۋ شارالارىن جۇرگىزۋدە.

اۆتور: ايبوتا جاپپاربەرگەن