بايان ەسەنتايەۆا جۇرتتى جاڭا سۋرەتىمەن قۋانتتى - فوتو

 استانا.قازاقپارات - پروديۋسەر شيپاجايلاردىڭ بىرىندە تۇسكەن سۋرەتىن كورسەتتى. ءبىراق سۋرەتتەن ونىڭ ءجۇزىن كورۋ مۇمكىن ەمەس. بار بولعانى اياعىنان نىق تۇرعانى بايقالادى.

بۇل تۋرالى Stan.kz حابارلايدى.

بايان ەسەنتايەۆا اۋىر سوققىدان كەيىن العاش رەت سۋرەتىن ءبولىستى. وسىعان دەيىن ول تەك جاڭالىقتارىن جەتكىزىپ، ەسكى سۋرەتتەرىن پايدالاناتىن. الايدا سۋرەتتە تەرىس قاراپ تۇرعاندىقتان، ءجۇزى انىق كورىنبەيدى. بار بولعانى اياعىنان نىق تۇرىپ، دەنساۋلىعىنىڭ جاقسارىپ كەلە جاتقانى بايقالادى.

اتالعان سۋرەتكە ءبىر كۇن ىشىندە 66 مىڭنان استام ءلۇپىل قويىلىپ،  1500 گە جۋىق پىكىر جازىلعان.

«بايان، ءبىز ءسىزدى قاتتى جاقسى كورەمىز جانە كۇتەمىز! بايان حانىم، تەزىرەك جازىلىپ كەتىڭىز. سەن قازاققا كەرەك قايسار قىزسىڭ. ءوزىڭ جوقتا شوۋ بيزنەس پەن ونەر جەتىمسىرەپ قالدى»، «بايان، ءسىز ءۇشىن شەكسىز قۋانىشتىمىز!»، «شوۋ بيزنەستەگى ءبىرىنشى ورىن سىزگە عانا تيەسىلى. سوندىقتان تەزىرەك ورالىڭىز!» دەيدى جەلى قولدانۋشىلارى.

ەستەرىڭىزگە سالا كەتسەك، ماۋسىمنىڭ 10 ى كۇنى بايان ەسەنتايەۆانى كۇيەۋى سوققىعا جىعىپ، ءۇش جەرىنەن پىشاقتاعان بولاتىن. ارتىنشا پروديۋسەرگە 3 ساعات بويى وتا جاسالىپ، كۇيەۋى باقىتبەك ەسەنتايەۆ قاماۋعا الىنعان- دى. قايعىلى وقيعا تالعار اۋدانىن تراسساسىندا بولعان. پروديۋسەر ماۋسىمنىڭ 19 ى كۇنى اۋرۋحانادان شىعارىلدى.