سامۇرىق- قازىنا ساتىپ الۋلاردا جاڭا «قۇرالدى» قولدانادى

استانا. قازاقپارات - «سامۇرىق قازىنا كەلىسىم- شارت» ج ش س وزگەرتۋ باعدارلامالارىن جۇزەگە اسىرۋ اۋقىمىندا قور كومپانيالار توبىنا الەۋەتتى جەتكىزۋشىلەردى الدىن الا ىرىكتەۋدەن وتكىزۋگە كىرىستى.

 بۇدان ءارى سامۇرىق- قازىنا ساتىپ الۋلارعا ۇيىمداردى الدىن الا ىرىكتەۋدەن وتكەن بىلكتى الەۋەتتى جەتكىزۋشىلەردى جىبەرەدى.

 «سامۇرىق- قازىنا كەلىسىم- شارت» ج ش س باسپا ءسوز قىزمەتى حابارلاعانداي، بۇل قۇرالدى ەنگىزۋ ماقساتى كاسىپكەرلەردى ساتىپ الۋ وتكىزۋگە دەيىن شىنايى باعالاۋ بولماق. سونداي- اق الدىن الا بىلىكتىلىك ىرىكتەۋى قور كومپانيالارى ءۇشىن ساپالى تاۋارلار، قىزمەتتەر جانە جۇمىستار جەتكىزە الاتىن ناقتى وندىرۋشىلەر مەن جەتكىزۋشىلەردى انىقتاۋعا مۇمكىندىك بەرەدى. ءسويتىپ، ساتىپ الۋداعى «جالعان كاسىپورىن» دەپ اتالاتىن وزەكتى ماسەلە شەشىلەتىن بولادى. سونىمەن قاتار ىرىكتەۋ ساتىپ الىناتىن تاۋارلاردىڭ، جۇمىستاردىڭ جانە قىزمەتتەردىڭ ساپاسىن، سونداي- اق ساتىپ الۋلاردى وتكىزۋ مەرزىمىن ەلەۋلى قىسقارتادى.

 الدىن الا بىلىكتەۋ ىرىكتەۋ ءراسىمى مىنا كەزەڭدەردەن تۇرادى: اقپاراتتىق جۇيەدە تىركەۋ، وتىنىمدەردى تولتىرۋ، شارتقا قول قويۋ، ساۋالداما تولتىرۋ، ساۋالداماعا تالداۋ جاساۋ جانە قورىتىندى ەسەبىندە بىلىكتى الەۋەتتى جەتكىزۋشىلەردى تىزىمگە ەنگىزۋ. ۇدەرىستىڭ اشىقتىعىن قامتاماسىز ەتۋ ءۇشىن الدىن الا ىرىكتەۋ ءراسىمى رەتىندە ۆەريفيكاتسيالىق اۋديت جەتكىزۋشىنىڭ تىلەكەلەي وندىرىستىك الاڭىندا حالىقارالىق اۋديتورلار مەن تاپسىرىس بەرۋشىلەردىڭ قاتىسۋىمەن وتكىزىلەدى، ولاردىڭ قىزىعۋشتسىلىعى بولعان جاعدايدا «اتامەكەن» ۇ ك پ وكىلدەرى تارتىلادى.

 ىرىكتەۋدەن وتكەن جانە الەۋەتتى جەتكىزۋشىلەر تىزىمىنە ەنگىزىلگەن كومپانيالار ءۇشىن ساتىپ الۋلارعا قاتىسۋ ءراسىمى وڭايلاتىلادى. مىسالعا، ءوتىنىمدى قامتاماسىز ەتۋ ءۇشىن ولاردىڭ مىندەتتى تۇردە % 1 ەنگىزۋى قاجەت ەمەس. بۇدان ءارى الدىن الا ىرىكتەۋدى مەملەكەتتىك ورگانداردىڭ اقپاراتتىق جۇيەلەرىمەن ىقپالداستىرعاننان كەيىن تەندەرگە قاتىسۋ ءۇشىن قاجەتتى قۇجاتتار ءتىزىمىن ەلەۋلى ازايتۋ جوسپارلانۋدا. كاسىپكەرلەر ءبىر رەت قانا بارلىق قاجەتتى قۇجاتتامالاردى ۇسىنعاننان كەيىن وزدەرىنىڭ بىلىكتىلىگىن بىرنەشە جىل بويى ساتىپ الۋلاردا ءاربىر قاتىسۋ الدىندا قۋاتتاۋى قاجەت بولماي قالاتىنىن اتاپ وتكەن ءجون.

 «ءبىز قازىردىڭ وزىندە بارلىق قازاقستاندىق كاسىپكەرلەردى ۇلتتىق كومپانيالاردىڭ ساتىپ الۋلارىنا قاتىسۋى ءۇشىن الدىن الا بىلىكتىلىك ىرىكتەۋىنەن وتۋگە بەلسەنە قاتىسۋعا شاقىرامىز. بارلىق اقپارات ءبىزدىڭ كومپانيانىڭ اقپاراتتىق رەسۋرستارىندا، سونداي- اق pko.skc.kz سايتىندا ورنالاستىرىلعان. الدىن الا بىلىكتىلىك ىرىكتەۋى ۇدەرىسىنىڭ ادىستەمەسىن جاساۋ، جان- جاقتى تالداۋ جاساۋ ماقساتىندا حالىقارالىق ساراپشىلار، «اتامەكەن» ۇ ك پ مەن قازاقستانننىڭ بيزنەس- قوعامداستىقتارىنىڭ وكىلدەرى تارتىلدى» - دەدى «سامۇرىق- قازىنا» ج ش س باس ديرەكتورى سەرىكبەك ەلشىبەكوۆ.