سىناق: ءوز جولىڭدى تاڭدا

استانا. قازاقپارات -  بۇگىن نازارلارىڭىزعا قىزىقتى تەست ۇسىنامىز. تومەندەگى ەسىكتەرگە قاراپ، جانىڭىزعا جاقىنىن تاڭداڭىز.

ەگەر №1 ەسىكتى تاڭداساڭىز

ءسىز بوستاندىق داڭعىلىن تاڭدادىڭىز. ءسىز ءۇشىن تاۋەلسىزدىك پەن بوس كەڭىستىك اسا ماڭىزدى. قانداي دا ءبىر شەشىم قابىلداماس بۇرىن ءسىز بۇل ماسەلەنى شەشۋدە جان- جاقتى ساراپتايسىز. ءسىز العا قويعان ماقساتىڭىزعا جەتپەي تىنبايسىز. ۋاقىتىڭىزدى ءتيىمدى پايدالانىپ، ءومىردىڭ ءار ساتىنە شەكسىز قۋانا الاسىز.

ەگەر №2 ەسىكتى تاڭداساڭىز

ءسىزدىڭ تاڭداعان جولىڭىز - وزگەگە ورىن جوق ءوزىڭىزدىڭ شاعىن الەمىڭىز. ءسىز ءوزىڭىز بەن ءوزىڭىز قالعاندا ءلاززات الاسىز. سونداي- اق، جالعىز ساياحاتتاعاندى ۇناتاسىز. دوستارىڭىزدى جاقسى كورەسىز، الايدا، ءسال ۋاقىت وتكەن سوڭ، ءسىز مىندەتتى تۇردە جەكە قالۋدى قالاپ تۇراسىز.

ەگەر №3 ەسىكتى تاڭداساڭىز

ءسىزدى مول پوزيتيۆ كۇتىپ تۇر! ءسىز ءومىرىڭىزدى قۇمارلىق، ادەمىلىك جانە ءتۇرلى شىتىرمان وقيعالارسىز ەلەستەتە المايسىز. ءىش پىستىراتىن ارەكەتتەردى ۇناتپايسىز. ۇنەمى بىلىمگە قۇشتارسىز. كەز- كەلگەن ۇساق- تۇيەك ءسىزدىڭ قىزىعۋشىلىعىڭىزدى تۋدىرادى.

ەگەر №4 ەسىكتى تاڭداساڭىز

 تاڭداعان جولىڭىزعا قاراپ، ءسىزدى الدا قىزىقتى وقيعالار كۇتىپ تۇرعانىن بايقاۋعا بولادى. ۇنەمى بولاشاق جايىندا ويلاپ، جاڭاشىلدىققا ۇمتىلاسىز. ءتىپتى كەيدە ارەكەتتەرىڭىزدىڭ سوڭى نەمەن تىنارىن ويلاي بەرمەيسىز. اينالاڭىزداعىلار ءسىزدىڭ ءتۇرلى قىزىقتارعا قىزىعۋشىلىعىڭىز بەن ەرەكشە ماحابباتىڭىزعا تاڭدانىسپەن قارايدى.

ەگەر №5 ەسىكتى تاڭداساڭىز

ءسىز بارلىق ادامعا اشىقسىز. ءسىز ءۇشىن بەيبىتشىلىك، سابىر مەن تابيعي سۇلۋلىق اسا ماڭىزدى. ءسىزدى ماقساتتىڭ ءوزى ەمەس، وعان جەتەر جولى قىزىقتىرادى. ءسىز اعىسپەن قاتار جۇزەسىز جانە قانداي جاعداي بولماسىن سابىرلىق ساقتاۋعا تىرىساسىز.

ەگەر №6 ەسىكتى تاڭداساڭىز

ءسىز بەيبىتشىلىك پەن سابىرلىق جولىن تاڭدادىڭىز. جالعىزدىق، تىنىشتىق جانە ساقتىق - ءسىزدىڭ ءومىر جولىڭىزداعى نەگىزگى باعدارىڭىز. «ەسكى دوس جاڭا ەكى دوستان ارتىق» دەگەن پرينتسيپپەن جۇرەسىز. ناعىز شىنايى ادام دەپ ءسىزدى ايتۋعا بولادى. جاڭاشىلدىققا قۇمارسىز، ءتىپتى قانداي دا ءبىر دارەجەدە ءسىزدى فيلوسوف دەۋگە دە بولار.

دەرەككوز: factroom.ru