وليمپياداعا ارنالىپ سالىنعان مەترو جەلىسى اشىلدى

استانا. قازاقپارات -  برازيليانىڭ ريو- دە- جانەيرو قالاسىندا وليمپيادا ويىندارىنا ارنالىپ سالىنعان مەترو جەلىسى اشىلدى. جاڭا باعدار شاھاردىڭ وليمپيادا اۋىلى مەن كوپاكابانا جاعاجايى ورنالاسقان بولىكتەرىن جالعايدى.

 قۇرىلىس جۇمىستارى كەستەدەن كەشىگىپ اياقتالعان. 3 ميلليارد دوللار جۇمسالعان قۇرىلىستى ۋاقىت تاپشىلىعىنا بايلانىستى سىناقتان وتكىزۋ مەرزىمى دە قىسقارتىلعان. بۇل شەشىم كوپشىلىك تاراپىنان قاتاڭ سىنعا ۇشىراعان ەدى. الايدا جەرگىلىكتى بيلىك جەلىنىڭ بارلىق قاۋىپسىزدىك تالاپتارىنا ساي كەلەتىنىن ايتىپ وتىر.

ازىرگە جاڭا جەراستى جولىمەن تەك سپورتتىق دەلەگاتسيا جانە وليمپيادا جانكۇيەرلەرى عانا جۇرە الادى. ءدۇبىرلى دودا اياقتالعاندا ونى جەرگىلىكتى تۇرعىندار پايدالاناتىن بولادى.

ميشەل تەمەر، برازيليا پرەزيدەنتىنىڭ مىندەتىن اتقارۋشى:

 - جاڭا مەترو جەلىسىنىڭ اشىلۋ سالتاناتىنا قاتىسۋ -  مەن ءۇشىن ۇلكەن مارتەبە. مەن ريو- دە- جانەيرو جۇرتشىلىعىنىڭ وليمپيادا ويىندارىنىڭ قاتىسۋشىلارى مەن قالا قوناقتارىنا جوعارى دەڭگەيدە قىزمەت كورسەتە الاتىنىنا سەنەمىن.

www.24.kz