ەلىمىزدە جەمقورلاردى ۇستاپ بەرگەن ادامدارعا سىياقى بەرىلەدى
تاعى ەكى ازاماتتىڭ نۇسقاۋىمەن تىركەلگەن پارا الۋ فاكتىلەرى سوتتا قارالۋدا. دايەكتەرى دالەلدەنسە، ولارعا 50 ايلىق ەسەپتىك كورسەتكىش كولەمىندە سىياقى تولەنەدى.
ايتا كەتەيىك، بيىل كۇشىنە ەنگەن ءتيىستى زاڭ بويىنشا جەمقورلىقتىڭ جولىن كەسۋگە جاردەمدەسكەن تۇلعالارعا قۇزىرلى مەكەمەلەر تاراپىنان اقشا تولەنەدى. قىلمىس دارەجەسىنە قاراي 63 مىڭنان 212 مىڭ تەڭگەگە دەيىن.
«زاڭ بۇزۋشىلىق تۋرالى دەرەك حابارلاپ نەمەسە قىلمىس جاساپ، ىزدەۋدە جۇرگەن ادامنىڭ تۇرعىلىقتى جەرىن كورسەتۋ ارقىلى سىبايلاس جەمقورلىققا قارسى ءىس- قيمىلعا كومەكتەسە الاسىز. بەرىلگەن اقپارات شىندىققا جاناسسا، قىلمىسكەرگە جازالاۋ تۋرالى سوت ۇكىمى كۇشىنە ەنگەن سوڭ ءبىرجولعى سىياقى بەرىلەدى»، - دەيدى سىبايلاس جەمقورلىققا قارسى ءىس- قيمىل وڭىرلىك دەپارتامەنتى باسشىسىنىڭ ورىنباسارى داۋرەن ومارعاليەۆ.
