18:27, 31 - شىلدە 2016 | GMT +5
تۇركيا بيلىگى بۇلىككە كۇدىكتى رەتىندە قامالعان جۇزدەگەن اسكەريدى بوساتتى
استانا. قازاقپارات - ستامبۋل سوتى 16 - شىلدەدەگى مەملەكەتتىك توڭكەرىس جاساۋ ارەكەتىنە قاتىسى بار دەگەن كۇدىكپەن تۇتقىندالعان 750 دەن استام اسكەريدى سەنبى كۇنى قاماۋدان بوساتتى. سوت بارلىعى مىڭعا جۋىق ءىستى قاراعان.
بوستاندىققا شىققانداردىڭ اراسىندا اسكەري ۋچيليشە كۋرسانتتارى دا بار. ولار تەرگەۋگە كۋالىك بەرگەن سوڭ بوساتىلعان. بۇعان دەيىن اسكەري بۇلىككە 8500 دەن استام اسكەريدىڭ قاتىسى بار دەپ حابارلانعان.
تۇركيادا شىلدەنىڭ 16-سى كۇنى مەملەكەتتىك توڭكەرىس جاساماق بولعان بۇلىكشىلەر ارەكەتى ساتسىزدىككە ۇشىراعان سوڭ 18 مىڭنان استام ادام ۇستالىپ، ولاردىڭ 10 مىڭعا جۋىعى تۇتقىندالعان. ونداعان مىڭ ادام ارميا قاتارىنان، پوليتسيا، سوت جانە مەملەكەتتىك قىزمەت ورگاندارىنان بوساتىلعان. بۇكىل ەل كولەمىندە جۇزدەن اسا بۇقارالىق اقپارات قۇرالى جۇمىسىن توقتاتقان.
«ازاتتىق»
مەملەكەتتىك توڭكەرىس جاساۋ ارەكەتىنەن سوڭ ۇستالعان تۇرىك اسكەريلەرى.
