17:24, 31 - شىلدە 2016 | GMT +5
قىتاي اۋرۋحاناسىندا بەيمالىم قۇبىلىس ۆيدەوعا ءتۇسىپ قالدى
استانا. قازاقپارات - قىتاي اۋرۋحاناسىندا ورناتىلعان ىشكى باقىلاۋعا ارنالعان كامەرا بەلگىسىز قۇبىلىستى ءتۇسىرىپ العان، - دەپ حابارلايدى Daily Mail.
2014 -جىلى تۇسىرىلگەن كادردان (الايدا تەك ءقازىر جاريالانعان) دالىزدەگى كەرەۋەتتە جاتقان ايەلدىڭ دەنەسىنەن بەلگىسىز نىساننىڭ ءبولىنىپ، جوعارى كەتىپ بارا جاتقانىن بايقاۋعا بولادى. وقيعانىڭ قاي اۋرۋحانادا جاتقانى جانە ايەل ادامنىڭ ءتىرى نە ءولى ەكەندىگى ايتىلمايدى.
كامەرانىڭ ءتۇسىرىپ العان ۆيدەوسىنا جەلى قولدانۋشىلارى ءارتۇرلى پىكىر ايتۋدا. پىكىر قالدىرۋشىلاردىڭ كوبىسىنىڭ ايتۋىنشا، بۇل ادام دەنەسىندە جاننىڭ بولاتىندىعىنىڭ دالەلى. سكەپتيكتەردىڭ ايتۋىنشا، بۇل شەبەر مونتاجدالعان ۆيدەو.
