08:25, 31 - شىلدە 2016 | GMT +5
ا ق ش- تا سكايدايۆەر اۋەدەن سەكىرىپ پاراشيۋتسىز جەرگە امان قوندى
استانا. قازاقپارات - 42 جاستاعى ەڭ تاجىريبەلى امەريكالىق سكايدايۆەر ليۋك ەيكينس سەنبىدە 7,6 شاقىرىم بيىكتەن پاراشيۋتسىز سەكىرىپ، جەرگە امان- ەسەن قوندى.
ونىڭ قاۋىپتى تريۋگىن Fox تەلەارناسى تىكەلەي ەفيردەن كورسەتتى.
اۋەدەن سەكىرگەن ەيكينس ەكى مينۋت ەركىن قۇلاۋدان كەيىن بيىك كراندار اراسىنا تارتىلعان اۋماعى فۋتبول الاڭىنىڭ ۇشتەن بىرىنە تەڭ تورعا كەلىپ قۇلادى.
بيىكتىگى 20 قاباتتى ۇيدەي بولاتىن جەرگە كەرىلگەن ارقان تورعا ەكسترەمال ءدال ءتۇسىپ امان قالدى.
ەسكە سالا كەتسەك، سپورتشى پاراشيۋتشى ەيكينس 18 مىڭ مارتە اۋەدەن سەكىرگەن. 30 مارتە ول قوسالقى پاراشيۋتتى قولدانعان. ەكسترەمال اتىشۋلى «تەمىر ادام» فيلمىندە بارلىق تريۋكتەردى ءوزى ورىنداعان. سونىمەن بىرگە ەليتالىق پاراشيۋتشىلەردى جاتتىقتىرۋمەن اينالىسادى.
