قارتايۋدى باياۋلاتاتىن جاتتىعۋلار بەلگىلى بولدى

استانا. قازاقپارات - بەلگيا مەن گەرمانيانىڭ عالىمدارى اش ءجۇرۋ مەن توزىمگە ارنالعان دەنە جاتتىعۋلارىنىڭ تەلومەردىڭ جىلدام قىسقارۋىنىڭ الدىن الىپ، وسىلايشا اعزانىڭ قارتايۋىن باياۋلاتاتىنىن زەرتتەۋ جۇزىندە دالەلدەگەنىن مالىمدەدى.

زەرتتەۋ Science Advances جۋرنالىندا جاريالاندى.

گەنەتيكتەر تاجىريبەلەردىڭ ءبىرىنشى كەزەڭىندە ادام حروموسومالارىنىڭ ۇش بولىكتەرىن ساراپتاپ، وندا PGC-1α اقۋىزىن تاپقان. پروتەين TERRA مولەكۋلاسىنىڭ ترانسكريپسياسى بولاتىن بولىكتەردە تەلومەرلەرمەن قاتىناسقا تۇسەدى. TERRA مولەكۋلاسى تەلومەرلەردىڭ بۇزىلماۋىن قاداعالايتىن قاسيەتكە يە.

عالىمدار زەرتتەۋدىڭ ەكىنشى كەزەڭىندە PGC-1α اقۋىزىنىڭ جاسۋشانىڭ ەنەرگەتيكالىق الماسۋعا قاتىساتىنىن انىقتادى. ناقتىراق ايتقاندا، پروتەيندەر ءتۇرلى ستيمۋلدار بولسا (ماسەلەن توزىمدىلىككە ارنالعان دەنە جاتتىعۋلارى مەن كالوريانىڭ شەكتەۋى پايدا بولعان جاعدايدا) TERRA مولەكۋلاسىنىڭ ترانسكريپتسياسىن ىسكە قوساتىن اۋىستىرۋشى قىزمەت ەتەتىنى بەلگىلى بولعان.

عالىمدار ەرىكتى تۇردە قاتىسۋعا كەلىسىم بەرگەن 10 ساۋ ادامعا تاجىريبە جۇرگىزدى. زەرتتەۋ بويىنشا، ۆەلوسيپەدتى 45 مينۋت جۇرگىزگەندە بۇلشىقەتتەردە TERRA مولەكۋلالارىنىڭ مولشەرى ارتقان. ءوز كەزەگىندە بۇل PGC-1α اقۋىزىن شىعارۋعا قاتىساتىن AMPK فەرمەنتىنىڭ بەلسەندى بولۋىمەن جاعىمدى اراقاتىناس ورناتتى.

ۆەلوسيپەدشىلەر مەن ادامنىڭ وسەتىن بۇلشىقەت جاسۋشالارىنىڭ زەرتتەۋلەرىن باقىلاعان عالىمدار TERRA مولەكۋلاسىنىڭ ترانسكريپسياسىن دەنە جاتتىعۋلارىمەن اينالىسقاندا جانە اش جۇرگەندە وندىرىلەتىن AMPK فەرمەنتى رەتتەيدى دەپ بولجام جاسادى. عالىمداردىڭ بۇل زەرتتەۋى دەنە جاتتىعۋلارى مەن اش ءجۇرۋدىڭ قارتايۋدى باياۋلاتاتىنىن زەرتتەۋ جۇزىندە دالەلدەپ بەردى، - دەپ جازادى Lenta.ru.

عالىمدار جۇرگىزگەن زەرتتەۋ

© Aurélie Diman and Anabelle Decottignies

تەلومەرلەردە حروموسومالاردىڭ ۇش بولىكتەرى بار، ول حروموسومالاردىڭ قورعانىس فۋنكتسياسىن اتقارادى. ادامنىڭ ءسابي كەزىنەن باستاپ ولار بىرتە- بىرتە قىسقارا تۇسەدى: ەسەيۋ شاعىنا دەيىن ەكى ەسە جانە قارتتىققا دەيىن ءتورت ەسە قىسقارادى ەكەن. عالىمدار مۇنى ادام اعزاسىنىڭ قارتايۋىنىڭ ءبىر سەبەبى دەپ وتىر.