بەتپەردە كيگەن قارۋلى ءۇش ادام قارقارالىداعى بانكتى توناماق بولعان

استانا. قازاقپارات - قاراعاندى وبلىسىنداعى قارقارالى قالاسىندا ەسكەرتۋ باتىرماسىنىڭ ارقاسىندا بانك بولىمشەسىنە شابۋىلدىڭ الدى الىندى.

بۇل تۋرالى قاراعاندى وبلىستىق ءى ءى د باسپا ءسوز قىزمەتى باسشىسىنىڭ م. ا. باتىرحان سمايىلوۆ تەلەفون ارقىلى حابارلادى.

ەكىنشى دەڭگەيلى بانكتى قارۋلى بەتپەردە كيگەن ءۇش ادام توناماق بولعان، دەپ ءمالىم ەتتى باسپا ءسوز قىزمەتى.

29 -شىلدەدە كەشكە قاراي ساعات 17.30 شاماسىندا بانك بولىمشەسىنە بەلگىسىز بىرەۋلەر قارۋمەن كىرىپ كەلگەن، الايدا كاسسيرلەردىڭ ءبىرى ەسكەرتۋ باتىرماسىن باسىپ ۇلگەرگەن. وقيعا ورنىنا پوليتسيا قىزمەتكەرلەرى كەلگەنشە اسىققان قاراقشىلار اقشا الىپ ۇلگەرمەي قاشىپ كەتكەن.

«دابىل بويىنشا قارقارالى اۋداندىق ءى ءى ب جەكە قۇرامى تۇگەل كوتەرىلگەن. پوليتسيانىڭ جەدەل قىزمەتى كۋاگەردىڭ ايتۋى بويىنشا كۇدىكتىلەر ءمىنىپ كەتكەن كولىك ءتۇرىن انىقتاعان. وسىدان كەيىن ءتارتىپ ساقشىلارى وسى كولىك ءتۇرىنىڭ بارلىعىنىڭ يەلەرىن تەكسەرىپ شىقتى. قالاعا جاقىن اۋىلداردىڭ ءبىرىنىڭ ءۇش تۇرعىنى انىقتالىپ، ۇستالىپ، ولار ىستەرىن مويىندادى»، - دەيدى ب. سمايىلوۆ.

اتالمىش وقيعا سوتقا دەيىنگى تەرگەۋلەردىڭ ءبىرىڭعاي تىزىلىمىنە الىنىپ، ق ر ق ك 192 -بابى بويىنشا قىلمىستىق ءىس قوزعالدى، كۇدىكتىلدەر ۋاقىتشا ۇستاۋ اباقتىسىنا قامالدى. تەرگەۋ جالعاسۋدا.