ق. باكيەۆتىڭ جازاسىن سوت جەڭىلدەتتى
ق ر جوعارعى سوتى ق ر ق ك 50-بابىنا سايكەس «ءومىر بويىنشا باس بوستاندىعىنان ايىرۋ جازاسى: ايەلدەر؛ ون سەگىز جاسقا دەيىنگى جاستا قىلمىس جاساعان ادامدار، قىلمىس جاساعان كەزدە الپىس جاسقا جەتكەن ەر ادامدارعا كەسىلمەيتىنىن ءتۇسىندىردى. ءومىر بويىنا باس بوستاندىعىنان ايىرۋ جازاسى راقىمشىلىق تارتىبىندە وتىز جىل مەرزىمگە باس بوستاندىعىنان ايىرۋ تۇرىنە اۋىستىرىلدى».
ق. باكيەۆ 1949 -جىلى 1 -تامىزدا تۋعان. 2010 -جىلى ساۋىردە ونىڭ جاسى 60 جاس، 8 اي بولعانى اتاپ وتىلەدى. 2010 -جىلى ءساۋىر وقيعاسى كەزىندە باكيەۆ ەلدەن قاشىپ كەتكەن، قازىر بەلارۋستە قۋعىندا.
بۇدان بۇرىن بىشكەك گارنيزونىنىڭ اسكەري سوتى بۇرىنعى پرەزيدەنت پەن ونىڭ تۋعان ءىنىسى مەملەكەتتىك كۇزەت قىزمەتىن باسقارعان جانىبەك باكيەۆكە 2010 -جىلى ساۋىردە بىشكەكتىڭ ورتالىق الاڭىندا ميتينگكە قاتىسۋشىلاردى جاپپاي ءولتىرۋدى (77 ادام كوز جۇمىپ، 300 دان استام ادام جاراقات الدى) ۇيىمداستىرعانى ءۇشىن ەڭ اۋىر جازا - ءومىر بويىنا باس بوستاندىعىنان ايىرۋ تۋرالى سىرتتاي ۇكىم شىعاردى.
