وليمپيادالىق ويىندارعا بوسقىندار العاش رەت قاتىسادى

استانا. قازاقپارات - 5 -تامىزدا ريو- دە- جانەيرودا وليمپيادا ويىندار باستالادى.

العاش رەت تاريحتا وعان 10 سپورتشىدان قۇرالعان بوسقىندار كومانداسى قاتىسادى.

ب ۇ ۇ- نىڭ حابارلاۋىنشا، سپورتشىنىڭ بەسەۋى كەنيادا كاكۋما بوسقىندار لاگەرىندە تۇراتىن وڭتۇستىك سۋداندىقتار. ولار سوڭعى جىلى كەنيا استاناسى نايروبيدە دايىندالعان.

«باسقا دا بوسقىندارمەن، سپورتشىلارمەن تانىسقىم كەلەدى. برازيليانى دا كورگىم كەلەدى، - دەدى سپورتشىلاردىڭ ءبىرى اندجالين ناداي. - وسى جەرگە كەلگەننەن بەرى كوپ جاتتىقتىم، ناتيجەنى جاقسارتا الدىم دەپ ويلايمىن. بۇرىن 85 سەكۋندتا 400 مەتر جۇگىرسەم، قازىر ءبىر مينۋتتا جۇگىرەمىن».

ريو- دە- جانەيروعا باراتىن بوسقىندار اراسىندا كونگو تۋمالارى مەن سيريالىقتار دا بار.