وتاندىق شوۋ- بيزنەستە باسى داۋعا قالعان جۇلدىزدار - فوتو
بۇل تۋرالى 31 ارنا حابارلايدى.
وسىدان بىرنەشە جىل بۇرىن سپورتشى جىگىتپەن جۇدىرىقتاسقان ءانشى بەيبىت قورعان بار.
ال قايرات تۇنتەكوۆ جول اپاتىن جاساپ، سونىڭ سالدارىنان ءبىرتالاي شىعىنعا باتقان بولاتىن.
ال، 2014 -جىلدىڭ جاز ايىندا "داۋىس International" توبىنىڭ ەكس مۇشەسى جادىرا قۇتپانوۆا وزىنە كوپشىلىكتىڭ نازارىن اۋداردى. ول كولىكتى ىشىمدىككە تويىپ الىپ جۇرگىزگەن. ءتىپتى، بويجەتكەن پوليتسيا قىزمەتكەرىنىڭ ءبىرىنىڭ قولىن تىستەپ، ەندى ءبىرىنىڭ شالبارىن جىرتقان.
جاقىندا ەل ىشىندەگى اڭگىمەگە اينالعان ونەر جۇلدىزدارىنىڭ قاتارىنا ءانشى تورەعالي تورەالى دە قوسىلدى. شىمكەنت قالاسىندا كىلەم فابريكاسىندا ءبىر ءتىلشىنىڭ جاساعان ەسكەرتۋى شامىنا قاتتى تيسە كەرەك، تورەعالي سۇحبات بەرۋدەن باس تارتادى. ءانشىنىڭ بۇل ارەكەتىن ەستىگەن ارىپتەستەرىنىڭ ءبىرى ونى قولداپ جاتسا، ەندى ءبىرى سىنعا الىپ جاتتى.
- «ءبىز ءبىر روبوت سياقتىمىز. جۇرەگىمىز جوق، ويلانبايتىن، قينالمايتىن، جاعدايىمىز جوق ادامدار سياقتىمىز دا، مۇڭسىز، قايعىسىز، ءار ادامنىڭ كوڭىل- كۇيى بولادى»، - دەپ كۇيىنەدى قىدىرالى بولمانوۆ.
ساحنادا 40 -جىلدان استام ۋاقىت ونەر كورسەتكەن قازاقستاننىڭ ەڭبەك سىڭىرگەن ءارتىسى مايرا ءىلياسوۆا بۇگىنگى جاس ونەر يەلەرى سىندى ەركە مىنەزىمىزدى سىرتقا شىعارىپ كورمەپپىز دەيدى. ءتىپتى، تانىمال ەكەنىن ءانشى ەندى عانا سەزىنىپ جۇرگەنىن جەتكىزدى.
- «ءوزىمىزدىڭ اتاقتى ەكەنىمىزدى ەندى سەزىنىپ جاتىرمىز. سكل استانادان قاتتى بىلىنەدى. الماتىدا تۇرعانان كەيىن كۇندە كورىپ جۇرگەن سياقتى. ال، استانادا سىرتىڭنان جۇگىرىپ كەلەدى، سىرتىڭنان كەلىپ قۇشاقتايدى»، - دەيدى ءانشى مايرا ءىلياوسۆا.
ءبىر كەزدەرى اتىنان ات ۇركەتىن «باۋىرجان - شوۋ» ءازىل- سىقاق تەاترىنىڭ بەلدى اكتريساسى باقىت الىپبايەۆا ءجيى داۋ- داماي شىعارىپ، «جۇلدىز» اتانىپ باسىنا قونعان باعىن باعالامايتىنداردى ەش تۇسىنە المايدى ەكەن.
- «بىزدە ونداي كوكىرەك كوتەرۋ، ءتىپتى جۇلدىز بولعاندى دا شىنىندا ايتساق سەزىنگەن دە جوقپىز»، - دەيدى «باۋىرجان- شوۋ» سىقاق تەاترىنىڭ اكتريساسى باقىت الىپبايەۆا.
ءانشى مەرۋەرت تۇسىپبايەۆا ونەر جولىندا قازىرگىدەي دەڭگەيگە جەتۋ ءۇشىن ءبىراز قيىندىق كورگەنىن دە جاسىرمايدى.
- «نە كيىپ شىعامىن دەپ جۇرەتىنبىز. قالتامىزدا اقشامىز جوق بولاتىن»، - دەيدى مەرۋەرت تۇسىپبايەۆا.
شوۋ- بيزنەسكە ءساتتى جوبالارىمەن وزگەرىس ەنگىزگەن پروديۋسەر قىدىرالى بولمانوۆ تا ءوزىن تىم قاراپايىم ۇستايتىن بولىپ شىقتى. 20 جىلدان بەرى شاش ۇلگىسىن تەك ءبىر عانا شاشتارازعا جاساتاتىنىن ايتادى.
ەلدىڭ سۇيىسپەنشىلىگى مەن سۇرانىسىنا يە بولىپ جۇرگەن شوۋ- بيزنەس وكىلدەرى ءۇشىن قاسىقتاپ جيناعان ابىرويىن شەلەكتەپ توگۋ وڭاي. الايدا، كەيىن وزىنە ادال اتىن قايتارۋى الدەقايدا قيىن ەكەنى جاسىرىن ەمەس.
