الماتىلىق دارىگەرلەر مەن پوليتسەيلەر جاپپاي اعىلشىن ءتىلىن ۇيرەنىپ جاتىر
بۇل تۋرالى ك ت ك حابارلايدى.
ادەتتە اق حالاتپەن جۇرەتىن دارىگەرلەر قايتادان پارتاعا وتىرعان. قازىرگى ۋاقىتتا 130 مەديتسينا قىزمەتكەرى قالاداعى 4 بىردەي جوعارعى وقۋ ورنىندا اعىلشىنشا ۇيرەنىپ جاتىر. 1- جەلتوقسانعا دەيىن 400 مامان ءتىلىن جەتىلدىرىپ شىعۋى ءتيىس. وزگە ءتىلدى جىلدام ۇيرەنۋ ءۇشىن ولار ارنايى باعدارلامامەن وقىتىلۋدا. ياعني، وقۋ بارىسى دەنە مۇشەلەرى، اۋرۋ تۇرلەرى، ەمدەۋ جولدارى سىندى مەديتسينانىڭ نەگىزگى تەرميندەرى اياسىندا ءوتىپ جاتىر. اق حالاتتىلاردان بولەك، پوليتسيا مەن توتەنشە جاعداي ماماندارى دا شەت ءتىلىن جەتىك مەڭگەرۋگە كىرىسكەن.
«2011 -جىلعى قىسقى ازيا ويىندارىنىڭ تاجىريبەسىن نەگىزگە الدىق. ءتىل ۇيرەنۋشىلەر اراسىندا جاڭادان باستاپ جاتقاندار دا بار. ءبىراق سوعان قاراماستان، بەكىتىلگەن مەرزىم ىشىندە قاجەتتى مامانداردى اعىلشىن تىلىندە دايارلاپ ۇلگەرەمىز دەپ وتىرمىز»، - دەدى 2017 -جىلعى قىسقى ۋنيۆەرسياداعا دايىندىق ديرەكسياسى مەملەكەتتىك قورى ديرەكتورىنىڭ ورىنباسارى نۇرجان ءابىلقايىر.
