جازعى وليمپياداعا بەس جاڭا سپورت ءتۇرى قوسىلادى

استانا. قازاقپارات - جازعى وليمپيادا ويىندارىنىڭ باعدارلاماسى بەس جاڭا سپورت تۇرىمەن تولىعادى.

حالىقارالىق وليمپيادا كوميسسياسىنىڭ كەڭەسى ويىندارعا كاراتە، سەرفينگ، جارعا ورمەلەۋ، سكەيتبوردينگ جانە بەيسبولدى قوسۋدى قۇپتادى، دەپ حابارلايدى «استانا» تەلەارناسى.

جاڭا ديستسيپلينالار بويىنشا مەدالدار كەلەسى ءتورت جىلدىق دوداسى، جاپونيادا ويناتىلۋى مۇمكىن. دەسە دە، ناقتى شەشىم ءۇشىنشى تامىز كۇنى وليمپيادا كوميسسياسىنىڭ ريو دە جانەيروداعى وتىرىسىندا قابىلدانادى.

بەس سپورت ءتۇرىنىڭ ىشىندەگى سوڭعىسى - بەيسبول - وليمپيادالىق باعدارلاماعا ەكىنشى مارتە كىرگەلى وتىر. ول بويىنشا مەدالدار 1992 -جىلدان باستاپ 2008 -جىلعا دەيىن بەس وليمپيادادا ويناتىلدى. ءۇشىنشى تامىز كوميسسيا وڭ شەشىم قابىلداسا، وليمپيادا جۇلدەلەرىنىڭ سانى 18 مەدالعا تولىعادى.

ايتا كەتەيىك، ريو ويىندارى 5 ى مەن 21 -تامىز ارالىعىندا وتەدى. قازاقستان نامىسىن وندا 26 سپورت ءتۇرى بويىنشا 104 سپورتشى قورعايدى.