گەرمانيانىڭ قازاقستانداعى جاڭا ەلشىسى ءوز قىزمەتىنە كىرىستى
«قازاقستان رەسپۋبليكاسىنداعى گەرمانيا فەدەراتيۆتىك رەسپۋبليكاسىنىڭ جوعارعى وكىلى رەتىندە ول گەرمانيا مۇددەسىن قورعايتىن، ەلدەگى بارلىق سالادا نەمىس- قازاق قارىم-قاتىناسىن قولدايتىن ەلشىلىكتى باسقارادى»، - دەلىنگەن حابارلامادا.
ەلشى رولف مافاەل 1955 -جىلى برۋحزال (بادەن) قالاسىندا تۋعان. مەكتەپتى ءبىتىرىپ، 1974-1980 -جىلدارى گەيدەلبەرگ پەن بەرليندە قۇقىقتانۋدى وقىعان. ەكىنشى مەملەكەتتىك سىناقتان كەيىن مافاەل مانگەيمگە پروكۋرور بولىپ قىزمەت ەتتى، ال 1985 -جىلى سىرتقى ىستەر مينيسترلىگىندەگى ەڭبەك جولىن باستاعان. جەنەۆادا (1989-1993، قارۋسىزداندىرۋ بويىنشا كونفەرەنسيا دەلەگاتسياسى)، تەگەراندا (1993-1995)، ەۋروپالىق كوميسسيادا (1995-1998) جانە بريۋسسەلدە گەرمانيا فەدەراتيۆتىك رەسپۋبليكاسىنىڭ ناتو- داعى تۇراقتى ءتوراعالىعىنداعى قىزمەتتەن كەيىن ر. مافاەل گەرمانيا سىرتقى ىستەر مينيسترلىگىنە ساياسي ءبولىم باسشىسىنىڭ ورىنباسارى رەتىندە قايتا ورالدى.
توكيوداعى (2002-2005) كەزەكتى تاعايىنداۋدان كەيىن ول بەرليندە ەۋروپالىق ساياساتتى ۇيلەستىرۋ بويىنشا بولىمشە باسشىسى، كەيىنىرەك ەۋروپالىق دەپارتامەنت وكىلى رەتىندە جۇمىس ىستەدى. 2012 -جىلدان 2016 -جىلعا دەيىن گەرمانيا فەدەراتيۆتىك رەسپۋبليكاسىنىڭ وڭتۇستىك كورەياداعى ەلشىسى بولىپ ەڭبەك ەتتى.
ەلشى ر. مافاەل ۇيلەنگەن، بەس بالاسى بار.
