قازاقستاندا وليمپيادا ويىندارىن زاڭسىز ترانسلياتسيالاۋعا تىيىم سالىنادى
بۇل جايىندا بۇگىن ورتالىق كوممۋنيكاتسيالار قىزمەتىندەگى باسپا ءسوز كونفەرەنسياسىندا KazSport تەلەارناسىنىڭ ديرەكتورى پاۆەل سىبۋلين مالىمدەدى.
«ءبىز بۇل جولى دايىندالدىق. كەز كەلگەن فورمادا - تەلەۆيزيالىق نەمەسە عالامتور بويىنشا وليمپيادالىق كونتەنتتى ەلىمىزدىڭ اۋماعىندا ترانسلياتسيالاۋعا تىيىم سالىنادى، بۇل شەتەلدىك رەسۋرستارعا دا قاتىستى»، - دەدى پ. تسىبۋلين.
ونىڭ ايتۋىنشا، ق ر اۋماعىندا «قازاقستان» ت ر ك، «حابار» اگەنتتىگى جانە KazSport تەلەارناسى مەن ولاردىڭ رەسمي ينتەرنەت- رەسۋرستارى عانا وليمپيادا ويىندارىن ترانسلياتسيالاۋ قۇقىعىنا يە. بۇل قالىپتى جاعداي. شەت ەلدەردە بولعان ادام مۇنى تۇسىنەدى»، - دەپ ءتۇسىندىردى پ. سىبۋلين.
ونىڭ ايتۋىنشا، ق ر اقپارات جانە كوممۋنيكاتسيالار مينيسترلىگىنىڭ قولداۋىمەن وتاندىق ءۇش تەلەارنا عانا برازيلياداعى وليمپيادا ويىندارىن كورسەتۋ قۇقىعىنا يە بولدى.
