19:11, 29 - شىلدە 2016 | GMT +5
قازاقستاندىق تەننيسشى وليمپياداعا قاتىسپايتىن بولدى
استانا. قازاقپارات - ريو- دە- جانەيروداعى جازعى وليمپيادا ويىندارىندا قازاقستاندىق تەننيسشىلەر ياروسلاۆا شۆەدوۆا مەن گالينا ۆوسكوبويەۆا سىنعا تۇسەتىن بولادى، دەپ حابارلايدى ق ر تەننيس فەدەراتسياسىنىڭ باسپا ءسوز قىزمەتى.
قازاقستاندىق ميحايل كۋكۋشكين جاراقاتىنا بايلانىستى وليمپيادا ويىندارىنا قاتىسپايتىن بولدى. ەستەرىڭىزدە بولسا، م. كۋكۋشكين «ۋيمبلدوندا» جاراقات الىپ، تۋرنيردەن كەتۋگە ءماجبۇر بولعان.
جانە تەننيسشى يۋليا پۋتينسيەۆانىڭ دا يىق جاراقاتىنا بايلانىستى، وليمپياداعا بارا المايتىنى بەلگىلى بولدى. جاراقاتتى ي. پۋتينسيەۆا وسى اپتادا كانادادا وتكەن WTA مونرەال تۋرنيرىندە العان.
«وسىلايشا، وليمپيادا ويىندارىنا قازاقستاننىڭ اتىنان جەكە رازريادتا گالينا ۆوسكوبويەۆا شىعادى. ال ي. شۆەدوۆا گالينا ۆوسكوبويەۆامەن جۇپ بولىپ ويىن كورسەتەدى»، - دەپ حابارلادى باسپا ءسوز قىزمەتى.
