تەمىرتاۋدا بەلگىسىز بىرەۋلەر لەنيننىڭ ەسكەرتكىشىن اتىپ كەتتى

استانا. قازاقپارات - تەمىرتاۋداعى «ەڭبەك داڭقى» تاستاندى ساياباعىندا بەلگىسىز ۆاندالدار ۆلاديمير لەنيننىڭ ەسكەرتكىشىنە وق اتقان، - دەپ حابارلايدى Nv.kz.

جەرگىلىكتى تۇرعىنداردىڭ ءبىرى بۇل وقيعانىڭ كەزدەيسوق كۋاگەرى بولعان. سول كۇنى كەشتە ايەل ادام يتىمەن سەرۋەندەپ جۇرگەن. سودان ايەل بىرەۋلەردىڭ كۇلىپ، ماس كۇيدە ايعايلاپ جۇرگەنىن ەستيدى. الايدا ولاردىڭ ءتۇرىن كورمەپتى. وسىدان كەيىن اتىستى ەستىگەن. قورقىپ قالعان ايەل ۇيىنە كەتىپ قالىپتى.

كەلەسى كۇنى تۇرعىن ساياباققا كەلىپ، ەسكەرتكىشتەگى وق ىزدەرىن كورگەن. ءسويتىپ، ول بۇل وقيعانى تەمىرتاۋلىق تىلشىلەرگە ايتىپ، ولار ءوز كەزەگىندە قالالىق ىشكى ىستەر باسقارماسىنا حابار بەرگەن.

Kaz.tengrinews.kz