سولتۇستىك كورەيا تۇرعىندارىنىڭ ەلدەن قاشۋى جيىلەپ كەتتى

استانا. قازاقپارات - سولتۇستىك كورەيا ازاماتتارىنىڭ ەلدەن قاشۋ دەرەكتەرى جيىلەپ كەتتى. وسىنداي وقيعانىڭ ءبىرى شياڭگاڭدا بولعان.

قىتايدىڭ وسى قالاسىنا ماتەماتيكادان پاندىك وليمپياداعا قاتىسۋعا كەلگەن ءبىر ستۋدەنت وڭتۇستىك كورەيا كونسۋلدىعىنا بارىپ ساياسي باسپانا سۇرادى.

 وسى وتىنىشتەن كەيىن كونسۋلدىق عيماراتىنىڭ كۇزەتى كۇشەيتىلىپ، اينالاسىن پوليتسيا باقىلاپ وتىر. وڭتۇستىك كورەيا ديپلوماتتارى وسى وقيعاعا وراي ەشقانداي مالىمدەمە جاساعان جوق. اقپارات قۇرالدارىنىڭ حابارلاۋىنشا، سولتۇستىك كورەياداعى جوعارى لاۋازىمدى مەملەكەتتىك قىزمەتكەرلەر دە ەلدەن بەزە باستاپتى. قازىر قىتايدا جۇرگەن وسىنداي 4 تۇلعا وزگە ءبىر ەلگە كوشۋگە دايىندالىپ جاتىر. رەسمي سەۋل بۇل سولتۇستىك كورەياداعى قيىن جاعدايدىڭ جانە كيم چەن ىن بيلىگىنە حالىق نارازىلىعىنىڭ ايعاعى دەپ سانايدى.

www.24.kz