تۇركيا بيلىگى گۇلەننىڭ ا ق ش- تان قاشىپ كەتكەنىن مالىمدەدى
بۇل تۋرالى تۇركيانىڭ ادىلەت ءمينيسترى بەكير بوزداگ مالىمدەدى.
ونىڭ ايتۋىنشا، توڭكەرىس ارەكەتىن جاسادى دەپ ايىپتالىپ وتىرعان ساياساتكەر ا ق ش- تان باسقا ەلدەرگە، مىسىرعا، كاناداعا، اۆسترالياعا، و ا ر- عا نەمەسە مەكسيكاعا كەتىپ قالعان بولۋى مۇمكىن. «بارلاۋ قىزمەتىنەن ونىڭ (گۇلەننىڭ) باسقا ەلدەرگە قاشىپ كەتكەنى جايلى مالىمەت ءتۇسىپ جاتىر»، - دەپ مالىمدەدى ول. سونىمەن قاتار، بوزداگ گۇلەن «توڭكەرىستى 40 جىل بويى دايىندادى» دەپ مالىمدەدى. ول يرانداعى يسلام توڭكەرىسىنىڭ ليدەرى حومەينيدىڭ پاريجدەن كەلگەنى سياقتى، تۇركياعا توڭكەرىستەن كەيىن كەلمەكشى بولعان دەلىنەدى.
وسىعان دەيىن تۇركيا بيلىگى ا ق ش- تان گۇلەندى ەكستراديتسيالاۋدى تالاپ ەتكەن بولاتىن. ال گۇلەننىڭ ءوزى بۇلىكتى سوگىپ، ءوزىنىڭ بۇل ىسكە قاتىسى جوق ەكەنىن مالىمدەگەن ەدى.
ەسكە سالايىق، 15 - شىلدەدە تۇركيادا اسكەريلەر مەملەكەتتىك توڭكەرىس جاساۋعا ارەكەتتەندى. اتىستار تۋرالى ءبىرىنشى حابار استانا ۋاقىتى بويىنشا 01.00-دە جەتكەن. حالىقارالىق اگەنتتىكتەردىڭ مالىمەتىنشە، انكارادا اتىستار ەستىلگەن، قالا ۇستىندە جويعىش ۇشاقتار مەن تىكۇشاقتار ۇشىپ ءجۇر، ال ىستامبۇلداعى اۋەجايعا تانكتەر جەتكىزىلگەن. ەلدە مەملەكەتتىك تەلەارنارال حابار تاراتۋىن توقتاتتى. انكارادا Facebook جانە Twitter الەۋمەتتىك جەلىلەرى قۇلىپتالدى.
كەيىننەن ەردوعان FaceTime ارقىلى حالىققا ۇندەۋ جاساپ، ادامدار كوشەگە شىققان ەدى. تۇرىك پرەزيدەنتى اسكەري توڭكەرىلىستى ۇيىمداستىرعانداردى قاتاڭ جازالاۋعا ۋادە بەرگەن بولاتىن.
Kaz.tengrinews.kz
