جامبىل وبلىسىندا ءداندى ماساقتى داقىلداردىڭ ونىمدىلىگى ارتتى - فوتو

 تاراز. قازاقپارات - جامبىل وبلىسىنىڭ بارلىق اۋداندارىندا ماۋسىم ايىنىڭ سوڭىندا باستالعان ەگىن جيناۋ جۇمىستارى قىزۋ جۇرۋدە. شارۋاشىلىقتار الاڭدارىنىڭ جارتىسىنا ەگىلگەن ءداندى ماساقتى داقىلدار جينالدى.

وبلىستىق اۋىل شارۋاشىلىعى باسقارماسىنىڭ اقپاراتىنشا، بيىل جامبىل وڭىرىندە 247 مىڭ گ ا ءداندى ماساقتى داقىلدار جينالۋى ءتيىس، ولاردىڭ 130,5 گ ا (52,6%) ، شامامەن 274 توننا ءدان جينالدى. ورتاشا ونىمدىلىگى 21 سەنتنەردى قۇرايدى. ونىمدىلىكتىڭ ۇزدىك كورسەتكىشى قورداي اۋدانىنىڭ اگرارشىلارىندا بايقالدى - 22,1 ت س/گ ا.

 ەگىن القابىنا 6 مىڭنان استام اۋىل شارۋاشىلىعى تەحنيكاسى شىقتى، تومەندەتىلگەن باعامەن - 89-90 تەڭگەدەن 14 مىڭ توننا ديزەل وتىنى ءبولىندى.

 وڭىردە جەمشوپتىك داقىلدار دا جينالىپ جاتىر. 483 گ ا القاپتىڭ 320 جينالدى. 1,7 ميلليون توننا ءشوپ دايىنداۋ كوزدەلگەن. شامامەن 940 مىڭ توننا جانە 12 مىڭ توننا پىشەندەمە جينالىپ الىندى.