الماتىدا قايتا قالپىنا كەلتىرىلگەن «اققۋ» بۇرقاعىنا اققۋلار جىبەرىلدى - فوتو

الماتى. قازاقپارات - الماتىدا پانفيلوۆ پەن بوگەنباي باتىر كوشەلەرى قيىلىسىنداعى «اققۋ» سۋبۇرقاعىنا ەكى اققۋ قۇسى جىبەرىلدى.

قىزىقتى شاراعا قوعامدىق بىرلەستىك مۇشەلەرى، قالالىق ءماسليحاتتىڭ دەپۋتاتتارى، الماتى قالاسى اكىمدىگىنىڭ وكىلدەرى جانە قاراپايىم قالا تۇرعىندارى قاتىستى.

«بۇل الماتىلىقتار ءۇشىن ەرەكشە ورىن. ءبىز بۇل جەردى بالا كەزىمىزدەن جاقسى بىلەتىنبىز. بۇل بۇرقاقتا كەزىندە شىنىندا دا اققۋلار جۇزگەن. ءبىزدىڭ ماقساتىمىز - سول ءبىر كوڭىلگە قۋانىش سىيلايتىن جايما-شۋاق كورىنىستى قايتا قالپىنا كەلتىرۋ. سول ءۇشىن قۇبىرلار جۇرگىزىلىپ، سۋبۇرقاق قالپىنا كەلتىرىلدى»، - دەدى الماتى قالالىق ءماسليحاتىنىڭ دەپۋتاتى كونستانتين اۆەرشين.

زووباق قىزمەتكەرلەرىنىڭ ايتۋىنشا، قۇستار لايىقتى دارەجەدە باعىپ- كۇتىلەتىن بولادى. كۇنىنە ءبىر رەت ءداندى جەمدەرمەن قورەكتەندىرىلەدى. كۇزدە فونتان وشىرىلگەن سوڭ، اققۋلار قايتادان زووباققا الىنادى.

ايتا كەتەلىك، بۇل ماڭدا كەزىندە الماتىلىقتاردىڭ سۇيىكتى ورىندارىنىڭ ءبىرى - اتاقتى «اققۋ» ءدامحاناسى بولعان.

ۇيىمداستىرۋشىلاردىڭ ايتۋىنشا، بۇل جەر الداعى ۋاقىتتا الماتىنىڭ ەڭ كورىكتى جەرلەرىنىڭ بىرىنە اينالماق.

بۇگىنگى شارا الماتى قالاسى اكىمدىگى مەن الماتى زووباعىنىڭ باستاماسىمەن ۇيىمداستىرىلدى.

    

اۆتور: ايبوتا جاپپاربەرگەن