لاڭكەستىككە دايىندىق تۋرالى جالعان حابار بەرگەن قاراعاندى وبلىسىنىڭ تۇرعىنى ايىپپۇل تولەيدى
وسىنداي جولمەن 35 جاستاعى ايەل قوناق ءۇي اقىسىن تولەمەگەن كليەنتتەرىنەن كەك العىسى كەلىپتى.
«26 -شىلدە كۇنى بۇقار جىراۋ اۋدانى، ۇشتوبە اۋىلىنداعى ساۋنالاردىڭ بىرىندە التى ادام لاڭكەستىك اكتى جۇرگىزۋ تۋرالى سويلەسىپ، ەكى اۆتوكولىكپەن كەتىپ قالدى دەگەن حابارلاما تۇسكەن. جەدەل- ىزدەستىرۋ شارالارىن جۇرگىزۋ بارىسىندا ساۋنادا بولعان ادامدار انىقتالدى. بارلىعى قاراعاندى وبلىسىنىڭ تۇرعىندارى بولىپ شىقتى. تەرگەۋ كەزىندە ولار 25 -شىلدە كۇنى دەمالىس ايماعىنداعى ءۇيدى جالعا العانىن، تاڭ اتا جالداۋ اقىسىن تولەمەي كەتىپ قالعاندارىن ايتتى. سونىمەن بىرگە، لاڭكەستىك اكتىسى جايلى ەشقانداي اڭگىمەنىڭ بولماعانىن ايتتى»، - دەپ حابارلادى پوليتسيا.
شىن مانىندە، دەمالىس ايماعىنىڭ اكىمشىسى «پاتەرشىلەردىڭ» ەسەپ ايىرىسپاي كەتىپ قالعانىن كورىپ، «102» نومىرىنە حابارلاسىپ، جالعان حابار بەرگەن.
ايەلگە قاتىستى ق ر اكىمشىلىك كودەكسىنىڭ 438 -بابى، 1 -ءبولىمى («ارناۋلى قىزمەتتەردى كورىنەۋ جالعان شاقىرۋ» ) بويىنشا اكىمشىلىك حاتتاما تولتىرىلدى.
