قىز قاي ايدا تۋىلسا، مىنەزى دە ءدال سونداي

استانا. قازاقپارات - مۇندا قانداي تىلسىم سىردىڭ بارىن بىلمەيمىن، الايدا ءبىر ايدا تۋىلعان ادامداردىڭ مىنەزى مەن بولمىسىندا ۇقساستىقتار بارىن بايقاۋدامىز.

وسى رەتتە تۋىلعان ايى باستارىن بىرىكتىرەتىن ءار ءتۇرلى قىزداردىڭ بولمىسىندا ورتاق دۇنيە بار- جوعىن انىقتاۋعا بەل شەشتىك. ناتيجەسى سىزگە دە قىزىق پا؟

قاڭتار

قاڭتار ايىندا تۋىلعان قىزداردىڭ مەنمەندىگى بولعانىمەن، وتە سالماقتى. ولار ءار دۇنيەگە سىني كوزبەن قارايدى، ءبىراق ىشىندەگى سىرىن سىرتقا شىعارىپ، سەزىمىن بىلدىرە بەرمەيدى. مۇنداي قىزدار كوزقاراسى ورتاق، پايىم دەڭگەيى ءبىر ادامداردان وزگەلەردى جانىنا جۋىتپايدى.

اقپان

اقپاندا تۋىلعاندار - سەزىمگە بەرىلگىش. سوندىقتان ولارمەن قارىم-قاتىناستا ساقتىق تانىتىپ، جانىن جارالاپ الماۋعا تىرىسقانىڭىز ابزال. كوڭىل- كۇيى مىڭ قۇبىلاتىندىقتان، ولاردى كوپشىلىك تۇسىنە بەرمەيدى. ولار - تابيعاتىنان ابستاركتىلى ويلاۋعا بەيىم. وعان قوسا مۇنداي جاندارعا ءبىر رەت ساتقىندىق جاساساڭىز، ءومىر بويى باستارىڭىز بىرىكپەسىن بىلگەيسىز.

ناۋرىز

ناۋرىز مىسىقتارى. ەرەكشە دارىن مەن تارتىمدىلىق. بۇل ومىرىندە تەك ءبىر رەت عاشىق بولاتىن، قۇلاي سۇيەتىن ادال جاندار. ولار وتە سۇيكىمدى ءارى عاجايىپ. ال قانداي دا ءبىر سەبەپپەن كوڭىلىن قالدىرساڭىز، ءاپ- ساتتە وزگەرگەن مىنەزىن تانىماي قالۋىڭىز دا عاجاپ ەمەس. نە دەگەنمەن، مۇنداي ەرەكشە قىزدارمەن ءبىر شاتىر استىنداعى ءومىر جانىڭىزعا تىنىشتىق پەن ءلاززات سىيلايدى.

ءساۋىر

ادەتتە ءساۋىر ايىندا تۋىلعان قىزداردى كەز- كەلگەن اداممەن وڭاي ءتىل تابىسۋى مەن مامىلەگەرلىك قاسيەتتەرى ورتاقتاستىرادى. الايدا ولار - وتە قىزعانشاق. ەگەر ولاردىڭ سەنىمىنەن ايىرىلساڭىز، ەكىنشى رەت جولىندا ۇشىراسپاۋعا تىرىسقانىڭىز ءجون. دەسە دە مۇنداي قىزدار ءسىزدى الەمدەگى ەڭ باقىتتى جان ەتە الادى. سەنىمىنەن شىعا بىلسەڭىز، جۇرەگىنە جول اشاسىز.

مامىر

مامىر - مىنەزىندە تۇراقتىلىق بار، وزىندىك ۇستانىمدارىمەن ءومىر سۇرەتىن ايەلەر ايى. ولار - وتە تارتىمدى، ءبىراق مىنەزى - اۋىر. مۇنداي جاندارعا عاشىق بولۋ ەركەكتەردىڭ باعى ما، سورى ما، ونى وزدەرى اڭعارار. الايدا مامىر ايىندا تۋىلعان قىزعا جولىقساڭىز، ەشقاشان ەسىڭىزدەن شىعارا الماسىڭىز انىق. ءتىپتى، تىرىسپاساڭىز دا بولادى.

ماۋسىم

قىزىققۇمارلىق، شىعارماشىلىققا بەيىمدىلىك ءارى كوپشىلدىك - ماۋسىم ايىندا دۇنيەگە كەلگەن قىزداردىڭ بويىنداعى ءۇش باستى قاسيەت. ولاردىڭ بويىنداعى ءبىر قيىندىق - ءتىلى ويىنان الدا جۇرەتىنىندە. الايدا مۇنداي ادامدار بىرەۋدىڭ ارتىنان ءسوز سويلەگەننەن گورى، شىندىقتى تىكەسىنەن ايتقاندى ءجون سانايدى. ەسكەرتە كەتسەك، ولارمەن قاتىناستا ساق بولعانىڭىز دۇرىس. ەر ادام ولاردىڭ نازىك قولدارىنداعى ويىنشىققا اينالۋى عاجاپ ەمەس.

شىلدە

جاز مەزگىلىنىڭ ورتاسىندا دۇنيە ەسىگىن اشقان قىزدار - ادال، زەرەك، سۇلۋ ءارى بولمىسى جۇمباققا تولى. ولار شىنايىلىقتى سۇيەدى جانە كيكىلجىڭ مەن ۇرىس- كەرىستەن اۋلاق جۇرۋگە تىرىسادى. ءبىراق ولاردى ءبىر الداۋدىڭ ءوزى ءومىر بويىنا قوش ايتىسۋعا جەتەرلىك. مۇنى جادىڭىزدا بەكەم ۇستاعانىڭىز ءلازىم.

تامىز

تامىز ايىندا تۋىلعان جانداردىڭ بويىندا وزىمشىلدىك پەن مەيىرىمگە تولى ۇلكەن جۇرەك توعىساتىن عاجاپ قاسيەت بار. ولارمەن ۇرىسىپ، ۋاقىتىڭىزدى زايا كەتىرمەگەنىڭىز ءجون. ەرتەلى- كەش ءبارى- ءبىر جەڭەرى انىق. بۇل ايدا تۋىلۋ باقىتى بۇيىرعان قىزدار ءازىل- قالجىڭدى ۇناتقانىمەن، ءوزىن كەلەمەجدەگەندى سۋقانى سۇيمەيدى. ابايسىزدا ءاجۋالاپ، شامىنا تيگەن بولساڭىز، بىرنەشە ەسەلەپ قايتاتىن قارىمىنا دايىن بولعايسىز. مۇنداي ادامدار ءاردايىم كوپشىلىك نازارىندا بولعاندى قالايدى. ال ولاردى جولىقتىرعان ەركەكتەر ءاپ- ساتتە اقىل- ەستەن ايىرىلىپ، عاشىق بولعانىن اڭداماي دا قالادى.

قىركۇيەك

بۇل ءتارتىپتى، مەيىرىمدى جانە عاجاپ مىنەزدى ايەلدەر ايى. ولار ەشقاشان ساتقانداردى كەشىرمەيدى. ەگەر جانىن جارالاساڭىز، كەك المايىنشا ىشتەگى وتى باسىلمايدى. مۇنداي جاندار ۇزاق قارىم- قاتىناس قۇرۋعا تىرىسادى. سونىمەن قاتار ومىرلىك سەرىگىنە قويار تالاپتارى دا جوعارى. تەك لايىقتى جان عانا جانىنان دا، جۇرەگىنەن دە ماڭگىگە ورىن الا الماق.

قازان

قازان ايىندا ومىرگە كەلگەن قىزدار كۇشتى مىنەز، ۇلكەن اقىلعا يە. ولار نازىك جۇرەگىنە قادالار تىكەننەن قورىققاندىقتان، كەز- كەلگەن ادامعا جانىن اشپايدى. كەي ايەلدەر قىزعانىشى سەبەپتى قازاندا تۋىلعان نازىك جان يەلەرىن ۇناتپايدى.

قاراشا

بۇل وتىرىك پەن شىندىقتىڭ ارا- جىگىن ءبىلىپ، اجىراتا بىلەتىن، وزگەلەردەن ءبىر قادام الدا جۇرەتىن جاندار. ولارمەن ويناۋ - وتپەن ويناعانمەن پارا- پار. ەگەر شىندىقتى ەستۋگە دايىن بولماساڭىز، ولاردىڭ پىكىرىن بىلۋگە تىرىسپاعانىڭىز ابزال.

جەلتوقسان

جەلتوقساندا شىدامسىز، ءبىراق ءاردايىم جولى بولعىش قىزدار دۇنيەگە كەلەدى. ولار قاشان دا سۇتتەن اق، سۋدان تازا بولىپ، سۋدان قۇرعاق شىعۋدىڭ ءجونىن بىلەدى. الايدا مۇنداي قىزداردىڭ جۇرەگى كەڭ ءارى جانىنداعىلارعا تاماشا كوڭىل- كۇي سىلاۋ قابىلەتىنە يە. ولار ومىردە تالاي ءسۇرىنىپ، كوز جاسىنا ەرىك بەرسە دە، سوڭىندا قالاعانىنا قول جەتكىزەدى.

 

دەرەككوز: Stan.kz