ەنەرگەتيكا مينيسترلىگى ديزەل وتىنىنا مەملەكەتتىك رەتتەۋدى الىپ تاستاۋدى جوسپارلاۋدا

استانا. قازاقپارات - ق ر ەنەرگەتيكا مينيسترلىگى ديزەل وتىنىنا مەملەكەتتىك رەتتەۋدى الىپ تاستاۋ قاجەت دەپ ەسەپتەيدى.

 بۇل تۋرالى بۇگىن ق ر ەنەرگەتيكا ۆيتسە- ءمينيسترى اسەت ماعاۋوۆ ءمالىم ەتتى.

«راسىندا ءبىز جازعى ماۋسىمدا ديزەل وتىنىنا جاسالاتىن رەتتەۋدى الىپ تاستاۋ بويىنشا باستامانى كوتەرىپ وتىرمىز. وعان سەبەپ ءبىرقاتار فاكتورلار بار. ءبىرىنشى كەزەكتە باعانىڭ كورشى ەلدەردەگى باعادان الشاقتىعى، رەسەي فەدەراتسياسىندا ونىڭ قۇنى ليترىنە 185 تەڭگە بولسا، قازاقستاندا - 99 تەڭگە»، - دەيدى ۆيتسە- مينيستر.

ونىڭ سوزىنە قاراعاندا، ديزەل وتىنى رەسەيگە دە، قىرعىزستانعا دا كوپ مولشەردە تاسىمالدانۋدا.

«قازاقستاننىڭ شەكاراعا جاقىن وڭىرلەرىندە ديزەل وتىنىنىڭ تۇتىنۋى جوعارى ەكەنىن بايقايمىز. ترانزيتتىك كولىكتەر قازاقستاننان ديزەل قۇيىپ الۋدى ءجون سانايدى. سونىمەن قاتار جۇك كولىكتەرى دە زاڭعا ساي ديزەل وتىنىن وزدەرىنىڭ بوشكەلەرىنە تولتىرىپ، كۇنىنە بىرنەشە رەت تاسىمالداۋدى كاسىپ ەتىپ العان»، - دەدى ول.

وسى سەبەپتەن مينيسترلىك ديزەل وتىنىنا مەملەكەتتىك رەتتەۋدى الىپ تاستاۋدى جوسپارلاۋدا.

 بۇنىڭ الدىندا حابارلاعانىمىزداي، رەتتەۋ الىنىپ تاستالاتىن بولسا، كۇزگى مەزگىلدە قازاقستاننىڭ ديزەل وتىنى 115 تەڭگەگە دەيىن جوعارىلاۋى ىقتيمال. دەگەنمەن قىسقى ۋاقىتتا سۇرانىستىڭ جوقتىعىنان، ول قايتادان 99 تەڭگەگە تۇسەدى.

 اۆتور: جاسۇلان جولدىبايەۆ