باكتەريا ادام ءولتىرىپ جاتىر

 استانا. قازاقپارات - كەلەشەكتە ادامزاتتىڭ اجالى باكتەريادان بولعانى تۇر. ماسەلەن مەكسيكا بۇعازىندا دەمالۋشى جۇرت الداعى ۋاقىتتا وتە قاۋىپتى جاعدايعا دۋشار بولعالى تۇر.

وسى تۋرالى دابىل قاققان عالىمدار سۋدا اسا قاۋىپتى «سينتيا» باكتەرياسى بارىن انىقتاعان.  ول ادام اعزاسىنا كىرگەن سوڭ ىرىڭدەپ، اياق- قولدان اجىراۋ قاۋپى تۋادى. ءتىپتى ناۋقاس كەزدەيسوق ءولىپ قالۋى دا مۇمكىن. بۇل تۋرالى «The Guardian»  حابارلايدى.
 
 جەرگىلىكتى تۇرعىنداردىڭ سوزىنە قاراعاندا، 2010 -جىلى British Petroleum كومپانياسىنىڭ مۇناي پلاتفورماسىندا جارىلىس بولعان. اپاتتى جويۋعا ماماندار جارتى جىل ۋاقىت جۇمساعان. تەڭىزگە قۇيىلعان 5 ميلليون باررەلدەن استام مۇناي جالپى كولەمى 100 شارشى شاقىرىم جەردى لاستاعان. تۋرفيرمالار مەن بالىقشىلارعا 27 ميلليون ەۋرو قاراجات تولەگەن كومپانيا ادامداردىڭ دەنساۋلىعىن ويلاۋدى ۇمىتىپ كەتكەندەي. اقىرى ولار عالىمدارعا جۇگىندى. 

 نوبەل سىيلىعىنىڭ يەگەرى حەميلتون سميت باستاعان جيىرما عالىم مۇنايدى جەپ، سۋدى تازارتاتىن باكتەريا ويلاپ تابادى. ول «سينتيا» دەپ اتالادى. الايدا سول باكتەريا ەندى ادامدارعا شابا باستاپتى. وسى جاعدايدان زارداپ شەككەن جەرگىلىكتى تۇرعىن دجوكو ەنگل اياعى جارا بولىپ،  بىرنەشە ەسە ءوسىپ كەتكەنىنە شاعىمدانعان.  ا ق ش- تىڭ اۋرۋدىڭ الدىن الۋ جانە قاداعالاۋ ورتالىعى سوڭعى جىلى سينتيمەن 97 ادام اۋىرعانىن، ولاردىڭ اراسىنان 27 ادام قايتىس بولعانىن حابارلادى.  

«ايقىن» گازەتى