پاۆلودارلىقتار ەرتىس كۇنىن اتاپ ءوتتى - فوتو
قالالىقتار قاتىسۋشىلارمەن سالتاناتتى كەزدەسۋ وتكىزدى. ءۇش قايىقتا پاۆلودار جانە قاراعاندى وبلىستارىنىڭ جاس عالىمدارى مەن زاۋىت قىزمەتكەرلەرى بولدى. ولاردىڭ مىندەتى - ەرتىستە سپورت تۋريزمىن دامىتۋ، وتانعا دەگەن ماحابباتتى، سالاۋاتتى ءومىر سالتىن جانە ت. ب. ناسيحاتتاۋ.
جينالعان قاۋىمدى پاۆلودار وبلىسى اكىمىنىڭ ورىنباسارى مەيرام بەگەنتايەۆ قۇتتىقتادى. ول ترانس شەكارالىق وزەننىڭ وبلىس ەكونوميكاسىندا، ءوڭىر ەكولوگياسىندا، ەرتىستىڭ پوەزيادا، اندەردە جىر- انگە ارقاۋ بولعان ادام ومىرىندەگى ەرەكشە ءرولىن اتاپ ءوتتى.
«كەمە شارۋاشىلىعى ماۋسىمى - تۇرعىندارىمىزدىڭ ەڭ جارقىن ساتتەرىنىڭ ءبىرى. ءبىزدىڭ قالامىزدا كەمە ارقىلى جۇك، جولاۋشىلار تاسىمالى ءالى دە جۇزەگە اسىپ كەلەدى. بۇگىندە وزەن تولقىنىمەن جۇزدەگەن ءىرى گاباريتتى، 2 مىڭنان استام شاعىن كەمەلەر ءجۇرىپ- تۇرادى. تاياۋدا وليمپيادالىق سپورت ءتۇرىنىڭ ءبىرى - اكادەميالىق ەسۋدى قولعا الۋ جوسپارلانۋدا»، - دەپ اتاپ ءوتتى بەگەنتايەۆ.
جاعاعا «تۋريزم PVL-2016» كورمەسى ۇيىمداستىرىلدى. 30 شاتىردا پاۆلودار وبلىسى مەن قازاقستان مەن رەسەيدىڭ وزگە دە وڭىرلەرىنەن شەبەرلەر، سۋرەتشىلەر، قولونەرشىلەر، تۋراگەنتتەر مەن تۋروپەراتورلار ءوز جۇمىستارىن كورسەتتى.
ەرتىس وزەنى مەرەكەسىن پاۆلودار وبلىسى اكىمدىگىنىڭ قولداۋىمەن گەوگرافيا ءۇيى مەن «قازحروم» ۇيىمداستىردى.
